الثلاثاء، 13 أكتوبر 2009

انا بيك

331sk4
أنا بيك عرفت روحي لقيتها فيك كل اللي جاي حعيشوا ليك
أنا بنسى روحي قصاد عنيك ما بقولش ليه
 
لو يوم تغيب علية ما بحسبوش كأني لسة ماعشتهوش
واليوم معاك ما بنسهوش لو حتى ايه

أنا بيك عرفت روحي لقيتها فيك كل اللي جاي حعيشوا ليك
أنا بنسى روحي قصاد عنيك ما بقولش ليه
 
لو يوم تغيب علية ما بحسبوش كأني لسة ماعشتهوش
واليوم معاك ما بنسهوش لو حتى ايه


طمني علية من نظرة عينك لوتفرح بفرح وده كل منايا

لو كل الدنيا جمبي وحولية ما بشوفش الدنيا غير وانت معايا
 
طمني علية من نظرة عينك لوتفرح بفرح وده كل منايا



لو كل الدنيا جمبي وحولية ما بشوفش الدنيا غير وانت معايا

أنا بيك عرفت روحي لقيتها فيك كل اللي جاي حعيشوا ليك
أنا بنسى روحي قصاد عنيك ما بقولش ليه

معقول تسأل بحبك قد ايه دنا لو حكيت عمري عليك
أحكيلك ايه ياحبيبي ايه ولا أحكي ايه
 
يآآآه على حبي ليك ياحبيبي  يآآآه حسيت معاك طعم الحياة

ولقيت معاك حلم اللي ياما حلمت بيه



معقول تسأل بحبك قد ايه دنا لو حكيت عمري عليك
أحكيلك ايه ياحبيبي ايه ولا أحكي ايه

يآآآه على حبي ليك ياحبيبي يآآآه حسيت معاك طعم الحياة
ولقيت معاك حلم اللي ياما حلمت بيه

طمني علية من نظرة عينك لوتفرح بفرح وده كل منايا

لو كل الدنيا جمبي وحولية ما بشوفش الدنيا غير وانت معايا

طمني علية من نظرة عينك لوتفرح بفرح وده كل منايا

لو كل الدنيا جمبي وحولية ما بشوفش الدنيا غير وانت معايا

أنا بيك عرفت روحي لقيتها فيك كل اللي جاي حعيشوا ليك
أنا بنسى روحي قصاد عنيك ما بقولش ليه
 
أنا بيك عرفت روحي لقيتها فيك كل اللي جاي حعيشوا ليك

أنا بنسى روحي قصاد عنيك ما بقولش ليه
 
لو يوم تغيب علية ما بحسبوش كأني لسة ماعشتهوش

واليوم معاك ما بنسهوش لو حتى ايه

******

هاني شاكر .. انا بيك

الأحد، 30 أغسطس 2009

التاسع هيييييييييييييييييييييه

اجمل مافي اليوم اني ختمت القران هييييييييييييييييييييييييييييييييييه

طبعا كنت هلكانه في الشغل لكن كان في حاله بنوته عندها 20 يوم

وعاوزه دم انا بجد تعبت عشانها اوي ومش نفع اتبرع عشان الهيموجلوبين

عاااااااااااااااااااا اخدت اذن وروحت وفضلت متابعه البنوته وروحيت لقيت تتار

امبارح بس نمهم زاد جدا رحت شغلت القران علي سورة النور

وعند الايه دي الكل سكت "وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَدًا وَأُوْلَئِكَ هُمُ الْفَاسِقُونَ* إِلَّا الَّذِينَ تَابُوا"

{إن الذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم. يوم تشهد عليهم ألسنتهم وأيديهم وأرجلهم بما كانوا يعملون. يومئذ يوفيهم الله دينهم الحق ويعلمون أن الله هو الحق المبين}

كنت بعلي الصوت فيهم والحمد لله المسج وصلت وسكتو شويه

وغيرو مجال الكلام الا انهم رجعو تاني فواضح ان الطبع يغلب التطبع

الا من رحم ربي

بس مبسووووووووووووووووووووووووووووووووووووطه اني ختمت

القران مع اني اتاخرت يومين عن اللي محدداه بس اعمل ايه بقي

في الشغل وشغل البيت الحمد لله ختمممممممممممممته

كيكيكيكييكيكيكيكيكيكيكييكيكيكيكيكيكيك

اليوم الثامن

 

 

 

 

طبعا اجمل يوم لانه عيد ميلاد انتيميتي وبكره العزومه اللي منعتني

اني احضر عيد ميلادها عاااااااااااا

والعزومه بقي وما ادراك من قعده الستات غيبه في دي ونم في دي

وفلان اتجوز وفلانه اتطلقت وفلانه جابت محشي

انتو ماااااااااااااااااااااااااااالكم ياباي حرقت دم طول اليوم

وكله كوم وشغلي اغاني نرقص كوم تاني  بجد صعقت صعقت انا مهونش عليا   الا ان كل شويه اروح اكلم نورا او اقعد علي البي سي شويه

معرفتش اقر قران والخطة هتبوظ عاااااااا  وحتي التراويح مش راضيه عنها

بجد صلتها باستعجال مش زي كل يوم عشان الحق اساع ماما في الهجوم

التتري اللي كان عندنا وكل اما اجي انام بابا يقولي عيب لازم تقعدي معاهم

عندي شغل يابشرررررررررررر نيموني بعد الفجر حسبي الله ونعم الوكيل

رحت الشغل بقع اصلا منه له منه له

السبت، 29 أغسطس 2009

اليوم السابع اول جمعه

طبعا سهرانه لوش الفجر وكان يوم تحفه صليت الفجر وقريت قران

قمت من بدررررررررررري عشان الشقه والمسح عشان عزومه السبت ربنا يصبرني

وبعد التنضيف من تتار عزومه امبارح قعدت اقرا قران والحمد لله قربت اختمه هييييييييييييييييييييييييه وهسبقك ياماما كيكيكيكيكييكيكيكيكيكيكيكيكيك

في فكرة في الجامع حلوه ان كل الليي عنده لبس مستغني عنه يجيبه وبياخدوه وفي خياطه بتنضفه وبتظبط اللي ناقصه وبيغسلوه في دراي كلين وبيدوه للعرايس اللي مش قادرين علي الجهاز وطبعا  ماشاء الله طلع لبس يكفى عرايس اد كدا

الفكرة حلوه لو كل الجوامع طبقوها وعلطول مش شهر رمضان بس هيبقي تحفه :)

واليوم اكتمل عادي تمام

وكل عام وانتم بخير :)

 

الجمعة، 28 أغسطس 2009

يومين مع بعض

بقالي يومين مش بكتب وطبعا دا بسب العوزمات الي انتو عارفيناها

وطبعا ايييييييييييه كمية الاكل اللي بيتعمل دا

والله حرام

في ناس محتاجه تاكل لقمه عيش وفي العوزمات اكل بيبوظ بالهبل طيب ليه مش يكون في ترشيد

وطبعا بسبب العوزمات صليت فيهم في البيت عاااااااااااااااااااااااااااا

يابخت الرجاله مش وراهم اللي بيحصلنا احنا كبنات عااااااااااااااااااااااااااااا بحقد عليكوااااااااااااا

تاني حاجه

مناسبتين من اهم المناسبات في حياتي فهقول

كل سنة وانتي طيبه :) بحبك اوي :)

كل سنة واحنا طيبين :)

 

الأربعاء، 26 أغسطس 2009

اليوم الرابع

 

 

 

كان يوم تحفه بصراحه  وضحكت فيه كتير  في الشغل  وفوجئت

ان مش ماما بس اللي بتنافسني في القران لا ودكتور لؤي كمان

يامنافسينك ياكيارا *_*

رغم ان حصلت حاجه خنقتني في الشغل بس يوم حلو اوي

حسه ان دفعه رمضان قلت ودا من خناقتين في المترو عاوزه اقولهم خير هو

اول يومين بس ولا ايه كنا ارتحنا من شغل شوشو بعدها روحت البيت 

وفضلت اقرا قران عشان ماما معرفش بتسبقني ازاي

وفطرنا ورحنا الجامع وكانت الصلاه عاديه الشيخ مش كان حلو خالص وحساه

بارد مش متفاعل مع القران اللي بيرتله لدرجه اني كنت عاوزه اقوله

اييييييييه دي الايه دي جباه ومفيش مره سمعتها الا وكنت انا والشيخ

بنبكي والخطبة كالعادة مسمعتش منها حاجه لدرجه اني كنت عاوزه اصرخ

ايه بقي انا عاوزه اسمع مش نازله من البيت عشان اسمع دوشتكم يارب

ارحمني  ومش قال الدعاء اللي بيقوله في اخر الصلاه ودا ضايقني اكتر بس

انا بقي مسكتش وقعت ادعي

بعدها روحنا وانتهي اليوم مش عارفه حساه روتيني شويه بس الحمد لله

كل سنة وانتم طيبين :)

الثلاثاء، 25 أغسطس 2009

اليوم الثالث من شهر الرحمه

اليوم كان جميل جدا بس للافس ماما لحد الان سبقاني في القران عااااااااااا

وكمان عدم وجود بابا في الفطار مخلي اليوم في حاجه ناقصه افتقد كوبايه الشاي اللي بعملهاله بعد الفطار ويقعد يغيظ في ماما ويقولها كوبايه شاي مني مزااااااااااج

تقوله لا والله طب خليهالك بقي هتعملك يوم وتسيبك عشرة يقوم يقولي هتعملي كدا فعلا يامني

اقوله طبعااااااااااااااااااااااااااااااااا بس مام نسيت حاجه يقولي ايه يااروبة اقوله هعملهالك يوم وانسي شهر شهرين تلاته يقولي بقي كدا يانونا اقوله وبطقم حنيه كدا اقوله وانا اقدر انسي حبيبي دي بتوقع بينا يارب الشغل يخلص بقي يابتى

ام هند رحت انا وماما الصلاه زي كل يوم بس اتاخرنا شويه اصلي كنت بعملهم عصير مانجووو

بس فرحت اوي لما لاقيت ناس مش اعرفها بيقولولي اتاخرتي ليه انا حجزالك المكان اللي بتحبيه قلتلها ربنا يخليكي انتي عارفه الشغل بتاع البيت تقولي ايو ياختي انتي هتقوليلي وابتسمنا وبعدها صليت المغرب وقريت قران واذ فجاه الاقي صوت واحده بس الصراحه صوت تحس انها هتضرب اللي قدامها كدا يعني

احنا بنلم لاعمار الجامع يقوم في شويه ستات يقولوليها لا الشيخ قال اللي يلم منكم مش تدولو واللي عاوز يحط عنده صندوق الزكاه وكلمه في كلمه هههههههههههههههه لاقيت خوناااااااااااااااااااااااااااااقة كبيرة جدا جدا

وماما كل اللي عليها هو في ايه اقولها مفيش كبري كبري

لحد اما اذان العشا اذن وصلينا وجينا للفاصل بين الاربع ركعات والاربع ركعات الخطبة

اول مره اشوف خطبة عن الكرسي جديدة صحيح صحيح

لما وقت خطبة كامله يكون عن الناس اللي بيقعدو علي الكراسي وبيعقوا الصلاه معناه ان بجد طفح كيل الشيخ وقعد يقول اختارو اماكن علي جنب والشباب حرام تقعد علي كرسي طالما عنده ا القدره علي الوقوف الركعه اللي في الصلاه فرض والسجده فرض والوقوف فرض اما النوافل حتي لو قادر ممكن تصليها وانت قاعد وهتاخد نص الاجر  بس بيني وبينكم كنت سامعه الخطبة دي ببركة دعا الوالدين من الدوشة اللي بيعملوها في مصلي الستات ياجدعان وربنا حرام انا لو رميت ابره في مصلي الرجاله هسمع رنتها انا طبلة ودني اتخرمت من الرغي

انا رغاية اه لكن كل حاجه بوقتها والمشكله ان كل الستات بيقولوا هس امال مين اللي بيرغي جننوووووووووووووووووووني وجابولي بربري

الموهم انتهت الصلاه وطبعا مازلت انا وماما رافضين اننا نفتح التليفزيون ونتفرج علي حتي مسلسل واحد

وادي تالت يوم عدا

كل عام والامه الاسلاميه بخير وربنا يجعلنا من عتقاء الشهر الكريم

الأحد، 23 أغسطس 2009

تاني يوم من اجمل شهر

طبعا اليوم الصبح كان زي الفل وفطرنا ونزلنا انا وماما علي الجامع واحنا ماشيين بقي

شايفه ياماما فاتحين كل نور المدرسة ازاي مش حرام كل الفصول مفتوحه والشارع ضلمه

اه والله حرام

تحسي ان مش في تخطيط

تحسي مع ازبهلال

هههههههههههههه لا مش تحسي فعلا مش في تخطيط

واحنا ماشين تاني شميت ريحه فحم وقعدت اكح

ايه دا ياماما

دا فحم بيتحرق

بس دا كدا يلوث البيئه

ي ايه يلوثه هي مش متلوثة !!

هههههههههههههههه

ورحنا الجامع وصلينا

لكن النقطه اللي استفزتني الخطبة بجد الخطب مستلهكة استهلاك فظيع ومش في عيل صغير مش عارف الكلام  احنا في عصر النت والفضائيات وعصر الانفتاح في المعلومات عيب اوي لما نقعد نقول كلام مستهلك لازم نتعب شويه واحنا بننتقي المواضيع امال رجال دعوه ازاي

وانتهي اليوم كل عام وانتم بخير

 

السبت، 22 أغسطس 2009

اول يوم رمضان

كل سنة وانتم بخير اليوم النهارده كان طحن في الشغل وماما عملت فيا حتته موقف

 

خلاني هلكانه اليوم كله انا نمت الساعه 3 وظابطة الموبايل علي 6.30 تقوم ماما

مش غيرت الساعه اللي في اوضتها واول اما جت 7 زعقت الساعه 7 الشغل

يامنىىىىىىىىى طبعا من غير اما اقول مني قامت جري وفي اقل من خمس دقايق

كانت واخده شاور ولابسه وجايه تنزل يقوم بابا يقولها متستعجليش الساعه 6.5 عااااااااااااااااا

مش نمت كويس رحت الشغل لاقيت طحن في الشغل ونا نيمانه خالص

 

نيجي للايجابيات الروح حلوه اوي وتحس ان في بخور رائحته زكية في كل مكان الواحد بيروحه

 

الكل ماسك المصحف وبيقرا القران وبدات المنافسه بيني وبين ماما في قراءه القران ومين هيختم الاول

 

اللمه في الفطار الواحد كان مفتقدها جدا

 

السلبيات كانت حاجتين

 

الاول الكدب

اكتشفت ان زميل ليا قالي كلام واليوم اكتشفت انه كان بيكدب وقال الحقيقه اليوم عشان احنا ي رمضان

 

الحاجه التانيه

اخويا راح يعمل فيش وتشبيه

 

لاقي الراجل بيقوله الشاي

 

قاله ايه دا هو انتم بتشروبوا الشاي في رمضان ياخبر يافاطر رمضان :)

 

قاله اذا كنت مش بدفع وانا فاطر هدفع وانا صايم

اما بالنسبة للتراويح نزود عليها الضحك اثناء الصلاه والعيال عاااااااااااااا زنانه اوي

الجمعة، 21 أغسطس 2009

اول صلاة تراويح

 

 

 

 

 

طبعا كل عام وانتم بخير دي اول صلاة تراويح وبجد الواحد مفتقد للغذاء الروحي دا اوي

لكن للاسف  مش في حاجه بتكمل علي خير النهارده واحنا بنصلي حصل 3 مواقف ضايقوني اوي اوي  هما

اول حاجه الكراسي انا مش بعترض ان الكبار يقدو علي الكراسي لكن يكونو جنب بعض مش في النص والجنب وهنا وهنا وبيعقوا المصلين علي اداء الصلاه ويخبطوهم مش حاجه انسانيه خالص

تاني حاجه " يهمك في ايه " دي اول اغنية يهمك لعمرو دياب ودي طبعا كانت بصوت رنان بيخرج الواحد من الاندماج والخشوع طيب  يعني انتي اللي هيتصل هتردي عليه في التليفون وانتي بتصلي اعمليه حتي صامت مهو مش ممكن واحنا بنقول كلام ربنا نسمع الموبايلات كمان

تالت حاجه هو الخناقات يجي اربع خمس خناقات بين الستات الكمبار ونقعد نفضها ايه ياجماعه هو حد قالكم انتو جايين نادي انتم في مسجد وبتصلواااااااااااااااااا

ودي كانت سلبيات اليوم لكن الايجابيات هو بداية اول تراويح وحسيت معاها براحه وبكيت من غير ماحد يقولي بتبكي ليه

الأربعاء، 22 يوليو 2009

ماتخلقتش بكرهك









ماتخلقتش بكرهك

---------------

انا ماتخلقتش بكرهك علشان يادنيا تعذبينى
حاولت مرة افهمك لعبتى بيا ذلتينى
ليه حالك ميزانه اختل ليه فيكى الضعيف يتذل
وبتستقوى ليه ع الكل انتى يادنيا آسية علينا
دايما بتفرحى بدموعى خارجة تملى ليه عن طوعى
ضيقتك كسرت لى ضلوعى ليه بتحبى دمع عينينا
كرهتى الحياه ف عينيا قلبتى المواجع فيا
وجراحك كتيرة عليا وصاحبنى الجراح والهم
فكك فيه هموم كسرتنى جوايا الالام هدتنى
وانا عينى دى لو طاوعتنى هبكى بدل دموعى دم
ايامى فيكى بعدها والحزن عندى يادنيا عادى
ده انا كل حاجة بحبها بسهولة بتضيع من قصادى
دوسى عليا واجرحى اكتر ظلمك خلى املى اتكسر
يلا هيا موتة ولا اكتر بيعى وخونى قلبى اتعود
دايما بس بتعاندينى لاوية دراعى وبتأذينى
مابقاش فيكى شىء يرضينى غدرك بيا طعمه يموت
اقرب ناس تخون وتبيع والطيب ف لحظة يضيع
والظالم بيبقى وديع وده حالنا يادنيا معاكى
مافيش واحد ضميره اتهز ولا واحد بغيره يحس
كله يهمه نفسه وبس والخير ضاع خلاص جواكى


الأربعاء، 15 أبريل 2009

يوم الاربعاء 15/04/2009



اول يوم اكتبه بعد وقت طويييييييييييييل اوي

اليوم بدا علي الساعه 4 كا لما كنت مشغلة الخط التاني بتاع اتصالات ودا بيجيلي فيه

معاكسات كتير المهم لقيت رقم اتصل وزي الشاطره رحت قفلته وكملت نوم كنت بجد تعبانه جدا

ومحتاجه للنوم وناسمه الاقيه اتصل تاني رحت عملته سايلنت بعدها بساعه


لقيت اللي بيقول

قوووووووووووووووووووووووووووووووووووووووووووومى

طلعت مين مامتي حبيبتي

وبتصحيني عشان الموبايل طبعا كان سايلنت

ام هند شغلت ازكار الصباح ورحت صليت وشربت نسكافيه دوبل وساده

وبعدها غيرت هدومي ولقيت محمد بقي فتحلي المعرض بتاعه

البس دي ولا دي

طب القميص دا مع دا يالهوووووووووووووووووووي دماغي يامحمد انا مش فقت لسه

المهم نزلت وانا ماشيه لقيت اللي صوتها اتنبح وهي بتنادي عليا

ابرص عليها الاقيها خالتو بيه

وبعد طبعا التقطيم اني مش كنت برد قاللتلي وحشتيني يامقصوفة الرقبه لا بتيجي ولا بتسالي

انا كنت مبسوطه لما كنتوا بتوضبوا الشقة عشان كنتي قاعده معانا

المهم مشينا ورحت ركبنا المترو وقعدت اتفرج علي الطقم الجديد بتاعها وبعدها بتقولي مش في حاجه جديده معاكي علي الموبايل

رحت بعتلها الاذكار

وجت محطه السيده ونزلت ورححححححححت علي الشغل وطلعت اسال ان كان فيه وظائف خاليه ولا لا

بعدها رحت قعدت اسجل لحد 9.30 وكل شويه استاذ محمد

خلثتي ولا لثه

جت حنان وقالتلي انها عاوزه طلب ان في فصايل تطلع المعمل قلتلها حاضر

وعملت مكالمه ضرورييييييييييييييه في اللفلفون


وبعدها قعدت في المكتب اخلص شغل عليا وعملت مكالمه تانيه وبعدها كملت شغل

وببص لقيت الساعه 11 كلمت ماما اني بعد الشغل هنزل وسط البلد اشوف الموديلات ايه قالتلي اجلها لبكرا

وفضلت قاعده بقي لحد اما استاذ محمد جه من البنك

وعملتله الشاي وعملتلبي نسكافيه

بعدها رغيت مع مس انيسه لحد اما الضهر ادن

رحت صليت ورجعت اسمع اغنيه لداليا

وجالي شغل عملته وبيقولوا اننا هنقبض النهارده لكنها طلعت اوشااااااااااعه مغرضة

واول اما جت 2 مشيت وانا ماشيه لقيت اماني صاحبتي اتكلمت معاها شويه وبعدها ركبت المترو وكنت مش شايفه من كتر الحر

ودخلت البيت لقيت ماما نايمه اخت الشاور وفتحت النت

واليوم خلث

بس

الأحد، 5 أبريل 2009

اوقات




قال بعض الحكماء : إحترس من عدوك مرة وإحترس من صديقك ألف مرة فإنه أعلم بالضرة



الحكمة دي اخدتها وانا في المدرسة زمااااااااااااااااااااااااااااااان بس مش كنت فاكره


اني ممكن استفاد منها لاني دايما بقول لنفسي عامل الناس كما تحب ان تعُامل

لكن للاسف طلع في حاجه صغيره كنت متناسياها وهي ان الناس مش واحد

ومبتعلمش من التجارب للاسف لاني برجع تاني وبسامح وبنسي اني اتجرحت وتلسعت

لما تاخد صديقه في حضنك وتكون معها قلبا وقالبا ومتتوقعش ان الجرح يكون منها دا صعب

انا لحد الان مش مصدقة انها عملت كدا يااااااااااااااااااااااااااااااه صدمتي فيها فاقت كل شي

كان نفسي ابعتلها مسج واقولها حسبي الله ونعم الوكيل بس قلت هديها اكبر من حقها واللي مش يصوني ويحافظ عليا يبقي ميستاهلش صحبيتي ولا كلمه مني

لكن انا ماليش غيرك يااااااااااارب حسبي الله ونعم الوكيل في كل اللي ظلمني وحاول يسرقني من عالمي


وداع لتاني حد اتخدع فيه بشكل كبير


لكن صبرا فالديان لايموووووووووووووت



الاثنين، 30 مارس 2009

مزاجيه

انا مزاجيه جدا

او مش مزاجيه بس في كلمه بتخليني طير في السما وكلمة بتخليني طير انكسر جناحه ومش عارف يطير

لامتي هفضل كدا الله اعلم

يااااااااااارب انت المعين

الأربعاء، 25 مارس 2009

احساسي




اخير هرجع اكتب هنا تاني 

كان بقالي زمن هاجره المدونه ممكن عشان الظروف اللي مريت بيها الفتره اللي فاتت

*************

بحبك قوووي بجد 

دي كانت رساله انتيمي واغلي انسانه ليا حسيت اني انا وهيا كيان واحد في جسد واحد مش ممكن يتفصل ان شاء الله 

حسيت اننا فعلا انسان واحد والجسد واحد والروح واحده حسيت باحاسيس غريبه بس كنت سعيده وعندي احساس قوي اني واخدها في حضني وبقولها  احنا بنحبنا :)

**********
من يوم الجمعه لحد الان وكان اسمي هو اسمها وبينادوني بيه فرحانه اوي 

حاسه ان قرارتنا واحده وكان نفسي انزل حاجه زي كدا في المدونه الرئيسيه بس خفت من العيون اللي بترشق هههههههههه وعشان كدا قولت انزله بيني وبينها 

مش مهم الناس تعرف بينا ايه  ...

مانتش محتاج ولاانيش محتاجه تقولي واقولك يا حبيبي ما انت حبيبي 

مانتي حبيبي وانا حبيبك وانا وانت عارفين ياحبيبي ايوه حبيبي 

هنقولها عشان الناس تعرف طب يعرفوا ليه 

يعني لو عرفوا دا ينفعنا ياحبيبي بايه 



الأحد، 11 يناير 2009

يوم الاحد




يوم الاحد

كان ضغط الشغل كتير اوي

خاصه اني قعد لبعد معاد الشغل ساعه

بس كان يوم لذيذ اوي وكان شكلي حلو اوي في نظري طبعا

يمكن لاني صحيت وماما واخدني في حضنها

بعد الشغل روحت مش لاقيت ماما

كلمتها لقتها بتشري شويه حاجات

بعدها هي جت غدتها وقمت انا انام

صحيت علي خالتو وجايه كانت تعبانه

قعدت معاها وعملتلها اللي هي عاوزاه

وكلمت انتيمي طبعا وورده وسول لالالالالالالا صووووووووووووول

وميرو دخلت بهدلتني بتقول انها اتخضتك من البوست

وجتلي مكالمه كنت سعيده بيها اوووووووووووووووووووووووي

اليوم حلو جدااااااااااااااااااااا والحمد لله

خاصه اني اطمنت علي ناس كنت قلقانه عليها

الاحد 11/01/2009


السبت، 10 يناير 2009

يوم السبت





طبعا صحيت الصبح ورحت الشغل عااااااااادي خالص رحت اشتغل

وكاااااااااااانت المفاجاه اللي مش كنت اتوقعها

الاقي سميلي داخله عليا جررررررررريت عليها وقلت هيييييييييييييييييييييييييييييييييييييه

وجابتلي مثاثتين ومحمد عبدالله قالها هاتي واحده ادتهاله وراح ادهالي عاااااااااااااااااا كان هيجبلي مثاثه بس هي وفرتهاله عااااااااااااا

قعدت معايا لحد الساعه 2 وكنت مبثووووووطه خالص وبعدها خرجنا وعدينا نفس المعديه بتاعت الحادثه وفضلت قلقانه عليا جبنا ايس كريم واكلناه ورحنا كازينو المعموره قعدنا طلبنا ايس كريم بس كان طعمه وحش ووجعلي بطني

قولتلها ايه رايك نروح نجيب ايس كريم من لارين وافقت واقترحت نمشي من الشغل لحد هنا يعني محطه ونص

فضلنا ماشين علي النيل بقي بس الشمس كانت بتتعبها

وانا ابتدي يجيلي هبوط تدريجي وهي كانت خلاص تعبت خالص وقلنا بلاش لارين رحنا مؤمن وجبنا ايس كريم

وبعدها قعدنا علي الكورنيش شويه ورحنا علي المترو واشترينا بوزو

وركبت انا روحت وهي كمان انا رحت افطر لان كان بيغمي عليا في المترو خالث وكنت مش شايفه روحت اخدت شاور وفتحت الميل وفطرت وكلمت انتيمي ورنيت لورده وبعدها نزلت اشوف خالتو لانها كانت تعبانه جدا وكلمتني من الشغل وهي علي اخرها

بعدها نزلنا انا وماما وجيت بفتح المنتدي اللي كنت فيه لقيت رساله من معتز ربيع

ياااااااااااااااااااااه انا اعرفه اهو من اوائل 2007 واد ايه هو محترم جدااا وهو في اليونانا وممكن يكون كل مسج بينا عن طريق المنتدي كل شهرين او 3 شهور وهو اللي بعتلي موضوع الشاب المهاجر اللي اتكلمت عنه في بوست الكارثه الكبري المهم هو وصل من شهر وكان بعتلي انه وصل وان هيحاول يكون علي النت

لاقيته بعتلي مسج من يوم 6/1/2009 وانا لسه شيفاها حالا فرحت اني اطمنت عليها وافتكرت ايام اما كنت انا وهو بنرد علي بعض
قلاي انه انا بالذات مع اي بوست كان بيحث ان في قطه مخالبها جاهزه لو لقت الهفوه المخالب بتظهر وبتقول للي قدامها طب تعالي

المهم اتكلمنا فوووووووون حوالي ساعه الا ربع اتكلمنا عن الهجره وحال البلد وانه فرحان اننا اتكلمنا وقالي ابعت الرقم لمني برده لان انا وهي طبعا معزه وغلاوه واحده

دي كانت جزء من الرساله الاولي ليه

**************



أختى نيمو : انت انسانة ارائك متميزة عقلانية بشكل مثير للاهتمام تحبى الاهتمام بمسئولياتك ومسئوليات الاشخاص الاخرين
وعلى فكرة دمك خفيف وذكية جدا وبتحبى شغلك قوى وعايزة تكونى انسانة ذات شان عظيم
اطمئنى يا اختى سوف تكونين باذن الله ولكن لا تتراخى امام ضغوطات الحياة المؤسفة
مع تمنياتى بكل الخير والسعادة وعلى فكرة انا مسافرتش تهريب زى اللى انتى بتتكلمى عليهم هههه


الرساله كان فيها كلام لمستر عز الادمين ولصلاح المراقب العام ولروزليندا اللي هي مني وليا

وطبعا نزلت بوست انا ذنبي ايه

وكلمت نوجا بس جالها فون وانتيمي وورده قولتها ثواني فون وهي خرجت

بس مش كلمت ميرو ولا Soul

يوم السبت

10/01/2009

الجمعة، 9 يناير 2009

يوم الجمعه




ماما رايحه جايه

اصحي يامني يامني اصحي

وانا اييييييييييييه اصحي ايه ده انا جسمي مكسر حته تكسيره ومش قادره

المهم صحيت قلت انزل البوست بتاع يوم الخميس


وبعدها اخدت حته كيكه اتبقت من امبارح ربنا يخليك يامحمد مش مخلييلي حاجه :)

ولسه يادوب هروق لقيت صلاه الجمعه

صلينا وبعدها محمد احتل الجوهاز

وانا روقت وعملنا الاكل اكلنا النهارده فوراخ هيييييييييييييه

محمد راح يعمل حاجه في هدومه شكله هيحرقها

رحت انا قعدت لقيت طبعا رد البت عليا ومحمد مش اداني فرصه افهم فيه ايه


بعدها كلمت انتيمي والبت ميرو

ومش عارفه ليه بعدها فكرت في حاجات غريبه وفي ناس اغرب

فكرت في ريم والفتره اللي عرفتها فيها واد ايه كنت مخدوعه فيها

فكرت في فترات خلتني ابكي اووووووووووووووووووووي

ماما دخلت عليا واخدتني في حضنها

بعدها لقيت البنت اللي قولتلكم عليها بتقولي ن العريس جه خلاص وهي مرتاحه


وكانت فرحانه فرحتلها اوي بعدها المغرب اذن ونزلنا لتيتا موتهم كلهم من الضحك

وبعد العشا رجعت وكلمت انتيمي وميرو وورده واميره ونيجار

واديني بوووووووووووودع اهو

الجمعه

09/01/2009











يوم الخميس




اه ياتعبانه ياني بكتب يوم الخميس امتي بكتبه يوم الجمعه الصبح

ده انا امبارح كنت قتيله

صحيت الصبح كالعاده ورحت الشغل محستش بنفسي الا والساعه اتنين الا ربع

كان عندي ضغط شغل رهيب مكنتش عارفه اتحرك وزحممممممممممممممممممه في المكتب وده بيطلب وده بيطلب

وانا مروحه لقيت استاذ محمد بيقولي السبوع بتاع حسن بكرا قولتله ركزلي بقي علي المثاثه

قالي لا انا عامل عقيقه قولتله مش بحب اللحمه هات مثاثه مليش دعوه

لقيته يقولي بتبدي المثاثه عن اللحمه

قولته اه
ومشيت كنت راجعه البيت ميته من التعب

دخلت النت كلمت ميرو وانتيمي كانت موش هنا مؤقتا

وميرو قالتلي ان انا جايبه العبئ في بوست القطه علي البنت برغم ان اللي بيغوي هو الراجل

بصي ياميرو كله له دور

وبعدها كنت برد علي واحده مكثوفه انها مصريه

وصول عجبها ردي

وميرو اكدته

المغرب ادن صول راحت فطرت وانا رحت فطرت مع ان مكنش ليا نفس بس ماما بقي

بعدها نمت نوم عميق ولسه مكملتش نص ساعه

ولقيت القضي المستعجل جالي مين خلاتو

عاوزاني اكتبلها 15 صفحه عشان محتاجاهم يوم السبت قولتلها طب بكرا قالت لا دلوقتي

قولت ياربي خلصت في حوالي ساعتين بس مش طلعو 15 طلعوا 25
وفي خلال الكتابه مني كلمتني واطمنت عليها

بعدها لقيت محمد بيرنلي رحت انا وماما غيرنا هدومنا جررررررررري ورحناله علي المحطه عشان ننزل نجيب لبس
ونستنيييييييييييييييي انه يجي فضلنا ملطوعبن ساعه الا ربع علي المحطه

وانا بقي التلج بيزق فيا ولابسه زعبوط ومش ماثر

اول اما شفته طلع انه بيرنلنا وهو لسه في الشغل منك للي كلت دراع جوزها


بعدها رحنا حلوان

من هنا بقول زباااااااااااااااااااااااااااله مش فيها حاجه خالص هو ايه اللي جري بجد

روحنا علي 11.30 كان نفسي انام من الصبح وانا مش قادره

المهم روحت جحهزنا الفطار لمحمد وبعدها عملتله كيكه بالشوكلاته وعملت الشاي

كانت الساعه 1 الا ربع عقبال اما ابتديت اقعد

محمد راح علي الجهاز وانا اقوله ده معادي طبعا شديت انا وهو قولتله لقعد لو عندك صحه انا هروح اناااااااااااااااااااااااااااام

ونمت مش حسيت الا والمنبه بيرن للفجر والله بحمد ربنا انه بعد التعب اللي كنت فيه

فقت علي الفجر

كان لسه فاضله ربع ساعه فتحت قلت اشوف التهزيق من اصحابي لقيت ميرو وهي بتقولي ياسلااااااااااااام كل ده

وطبعا قامت وكانت انتيمي موش هنا مؤقتا برده

ولقيت رد مستفز بجد عندي بس صبراااااااا

وصليت الفجر ونمت

الخميس
08/01/2009

الأربعاء، 7 يناير 2009

يوم الاربعاء



بقالي يومين مش بكتب مش كنت فاكره ان المدونه دي هتكون مؤثؤه اوي كدا يعني بفضفض وبكت اليوم كاملا

اليومين اللي فاتو كان عادي مش في احداث مؤثره او ايمكن اكون نسيت مش عارفه بقي

المهم في الموضوع اني رجعت تاني اكتب يااااااه الكتابه وحشتني جدااااااااا

نمت امبارح علي الساعه 1 بصراحه مش كنت عارفه اسهر اكتر من كدااااااااا

بس مش نمت الا بعد اما جننت انتيييمي هههههههههههههههه

والله عثل ياانتيمي بجد انا ربنا بيحبني عشان قابلني بيكي بحبببببببببببببببببببك بصوت عالي

انتيمي طبعا اللي كتبتلها خاطره يوم عيد ميلادها

كانت كاتبه رساله علي ميلها

حذاري حذاري يانيمو تظهريلي اون لاين ههههههههههههههههههههه

ياحيني للدرجه دي ياصبحتي

لو عشت احلف طول حياتي كلها مش هقدر اوصف بحبك اد ايه

محتاج حياه اتنين تلاته علي حياتي عشان اوصف ياحياتي بحبك اد ايه

********

وكلمت بعدها soul

وفرحت اوي لما فتحت مدونتها تاني

اخيرااااااااااااااااااا كانت مدونتك وحشاني

وانتي كمان

*******

وعماله ابص علي الميل مستنيه ميرو تفتح بقالها يومين غطسانه وقافله الموبايل وانا هموت من القلق عليها

ومني مش ظاهره ربنا معاها في الامتحانات

وورده برده مش ظاهررررررررررره عااااااااااا في اصحاب ليا مش اطمنت عليهم

نمت وقمت علي الفجر صليت ونمت تاني

حسيت ان محمد جه من الشغل وبياكل وقعد علي الجهاز

وكل ده وانا نايمه خالص :)

صحيت علي 10 الصبح

لقيت ماما بتقولي يلا ننزل

نروح فين ياماما هو النهارده مش اجازه

قالتلي علي تيتا نطمن عليها

نزلنها ورحت لعبت شويه كتار كدا

اتهد حيلي فيهم وانا صايمه اعااااااااااااااااا

ولقيت تيتا استفردت بيا

وقعدت تحيييييييييييييكي علي جدو

ونقلب في الصور

علي 2 روحت لقيت البت انتيمي علي المي اتكلمنا كتتتتتتتتتييييييييير وهي منقوطه علي عملاه عندها

جننتها ههههههههههههههههههههههههههه

وفضلت ارد علي بوست يابنتي كفايه طيبه

وبعدها محمد قام قعد شويه فقلت لنورا ثواني

وعلي 4 رجعت ورغينا لحد قبل المغرب انا وهي وانا وورده بشويه هي قامت ولسه بقوم فراحت ايمي دخلت كلمتها جه المغرب قمت

جهزنا الفطار مامما كانت عامله لحمه عاااااااااااااااااااااااااااااا مش بحبها

بس المره دي تبليتهالي حلو وبعدها لقتها بتشربني شوربه عاااااااااااااااااااا مش بحبها اخدت معلقتين وبس

خلصنا الفطار صليت وعملت الشاي

وبعدها كتبت البوست ونزلته وكانت صول اول تعليق

وبعدها محمد قعد شويه وقومت اعمل شاي تاني بس دماغي فيها صداااااااااع عاوزه قهوه وماما رافضه

وانا قاعده لقيت ماما بتقولي عيد الام قرب

يالهوووووووووووووووووووووووووووووووووووووي عيد ام مش كنت فاكره انه قرب خالص

قعدت في اوضتي وجبت ورقه وقلم

ماما وخلاتو 4 وعماتو 3 وماما زوزو وماما زينب وماما امال

وتيتا مامت ماما وتيتا مامه بابا

اعاااااااااااااااااااااااا ربنا يستر

بعدها بابا كلمني وبيقولي قبضتي قولتله لا اوز بابا مش في قبض انا لسه فقالي لو احتجتي فلوس خدي من مامتك وانا هحاسبها

قولتلها قولهااااااا هاتي بقي 40 جنيه عاوزاهم بكرا

وبكراننزل نشتري حاجه


وبعدها كلمت ورده عندها امتحان صعب ربنا معاها


اليوم عادي خالص مش عارفه بقي

الاربعاء

7-1-2009

الأحد، 4 يناير 2009

يوم الاحــد





صياااااااح الخير النهارده يوم سعيد خالث خالث

مش تسالوا ليه بس هو كدا بقي ثاحيه مبثوطة خالص

ورحت بقي اخدت شاور ورحت بوست ماما وقولتلها ثباح الخير يامامتي

وبعدها صليت الضحي وكانت الدنيا تلج لبست تقيل واختارت الاكسيزوريس

اختارت عقد اللي يشوفه يقول من مقبرت توت عنخ امون

وماما كانت هتنزل معايا بس لقتها اتاخرت فجريت انا نزلت فافتكرت كلمه

قالتها نجوي فؤاد موتتني من الضحك ههههههههههههههههههههه

بتقول الستات زمان كان كعب عالي ورقه في المشي ستات دلوقتي كعب واطي

وتحسي ان رجليهم بتسبق بعضها وبيتدالجوا كدا وبقوا زي الرجاله ههههههههههههه

المهم مش عرفه ليه رحت بصيت للشوذ لقيته بكعب هيييييييه لسه فيا من ناس زمان

ركبت المترو شامه ريحه بيرفم سدت حاسه الشم خالث

الله هو مش البيرفم حرام برده ولو راجل شمه يبقي كدا زنت بت فوووتي بقي طب

والريحه دي انا مش طيقاها انا هيجيلي انسداد في حاثه الشم وهفقدها

رحت نزلت وقلت افوته احسن مش هقدر اتحمل الريحه كدا

المهم نزلت وركبت اللي بعده

ورحت الشغل مضيت ورحت علي مكان الشغل مكنش في حاجه اعملها اخيرا

هبدا اتنقل لشغلي الاساسي علي الجهاز الكمبيوتر الكديد خالث

وعنيا مش هتوجعني بقي كنا بندور علي المريض اللي مات

واهله رافعين قضيه ياناس مين يقول انه واخد الدم من 2004 وجايين يرفعوا قضيه دلوقتي حاجه تجنن

بس وروحت بقي ولقيت تليفون من نسمة صبحتي وبتقولي ان اخيرااااا العقده انفكت

وخالد هيجي يوم الخميس وهيقروا الفاتحه وعاوزاني اكون معاها

قلتلها مش هقدر بابا مش هنا ومحمد في شغله وانتي عارفه مش بروح

في مكان خاصه الافراح الا لو اخويا معايا

فقالتلي هخلي عماد يروحك

ازبهليت شويه بروحني ازاي يانسمه ومين هيوافق ايه يابت انتي هتتكقفي من عمده

قلتلها اه اتكثف مش عيب اني اتكثف قالتلي طب خلي طنط تيجي قولتلها ماشي

هقولها وهكلمك والف الف مبااااااااااارك ليكي اخيرا بعد عذاب اربع سنين ايه ده

وانا مروحه لقيت ندي جايه جررررررررررررررررري عليا وفي وسط الشارع نطت عليا وباستني

قولتها فين مامتك فلاقتها وراها قلتلها هو هدي مش هتعمل العمليه ولا ايه قالتلي نسبة الهيموجلوبين قليله وباكلها اهو

وزعلت لما عرفت ان اللي كانت رافعه عليه خالتو القضيه طلق مراته ومراته اخدت

العفش بس خالتو مش ليها زنب ده سنه كامله قاعد في الشقه بلطجه ومش بيدفع الايجار

بعدها البنت كلمتني في الموبايل تاني كنت ناسيه مشغله خط اتصالات

وطلبت تاني الصوره قولتلها وش كدا بصراحه مش هينفع

روحت اتغديت وشربت نسكافيه ورديت شويه علي بوست كفايه طيبه والنبي عندي

حوالي 9 بوستات المفروض يترد عليهم حد يساعد عاااااااااااااا

ونمت ولقيت تليفون من بابا بيقولي ان قريبه

مات وكدا انا عاتبه علي بابا انه مش مخليني عارفه قرايبي مع ان بابا قرايبه كتيييييييييير اوي

صحيت لقيت محمد قاعد واتخانق في الشغل وسابه وبيشخط في اي حد بيتكلم عن الشغل انا

وماما كاشين خالث قعدت اتفرج علي الفلفزيون انا وماما تحت البطانيه وبعدها كلمت ميرو وطبعا هتخنقني هي عارفه ليه

بس اهو وقدام الناس امممممممممموه بوسه كبيله خالث وحضن كمان

ونزلت بعد كدا بوست عيد ميلاد نيجار كان نفسي يطلع احللي من كدا

كل سنه وانتي طيبه يانونا

ودلوقتي بقي اليووووم خلث وهفلسسسسسسسسسسسع

تصبحوا علي خيييييييير

يوم الاحد

4.1.2009






السبت، 3 يناير 2009

يوم السبت



في البدايه بعتذر للي كلمني ميل النهارده ولاقاني حزينه اكيد غصب عني

اليوم النهارده كان مش عارفه ماله برغم اني كنت صاحيه نوعا ما عندي قوه نفسيه

صحيت الصبح مش لاقيت محمد نسيت انه في الشغل ياقلبي

طبعا نمت في اوضتي بعد اما ماما طردتني امبارح من الاوضه عشان السقعيه بتاعت جسمي كنت ببردها

عندها حق هي بليل جت تقولي تعالي نامي جنبي قولتلها لا ده انتي طردتيني شر طرده الضهر

كنت نايمه مبسوطه بعد اما قريت البوست اللي نزلته سميلي ليا اد ايه هي رقيقه والله مابقيت عارفه اصحابي بيحبوني علي ايه

المهم ركبت المترو وماما نزلت معايا وكنت قاعده مشغله ملاك حارس


انا عايزك ملاك حارس

بيحرسني من الايام

حنين قلبي وانا معاكي يدفيكي باحلي غرام

بحبك كل يوم اكتر

معاكي الحلم يتفسر

ويفضل حبنا احلي واجمل حتي من الايام

انا عايزك

انا عايزك غنا صوتي

كلامي وهمسي وسكوتي

يانسمه رقيقه بتفوتي اغنيلك عنيكي تنام

انا عايزك


انا عايزك هنا جنبي

بحبك اسكني قلبي

ولا تخافي ولا تحاسبي ولا يهمك ياروحي كلام

انا عايز ملاك حارس

حسيت وانا بسمعها اني رجعت لايام الجامعه

حسيت اني رجعت لاحلامي الورديه

وانا بسمعها عنيا بتغمض وبحلم

وكنت كل ده في المترو فماما لاقتها بتناديني في واحده كبيره واقفه المهم قمت عشان هي تقعد

ومن غير ما كانت ماما تقولي انا لما بشوف حد كبير بقعده

وفعلا بستغرب علي الامهات اللي بتقعد اطفال 3 سنين وبتسيب ستات مسنه واقفه

الرحمه ليها ناسها برده


رحت مضيت ورحت الشغل بدانا 2009 والنظام اتغير فقعدت اهمل شغل الجهاز التاني مؤقتا

بعدها روحت بس وانا مروحه رحت عديت الطريق ووقفت علي النيل شويه

كان واحشني حسيت انه بيكلمني وبيقولي مالك

مش انتي اللي بتكلميني دايما فيكي حاجه ياوردتي

كلمته عن اصحابي واد ايه هما بيعانو واد ايه انا بتالم لده

بعدها سيبته ومشيت روحت البيت واخدت بالي من المعديه اهوووووو

وانا في المترو

كان في طفل برده لاعبته وكان زي العثل



وكان عاجبه الموبايل فشغلتله الفار السندق وقعد يرقص ويتنطنط

بعدها نزلت محطتي ولحد كدا كنت مبسوطه

بعدها قابلت البنت اللي طلبت مني الصور اللي قولت عليها قبل كدا

وعيطت اوي لدرجه اني روحت علي تيتا وبكيت في حضنها اوي وسالتها اعمل ايه

قالتلي هي غلط انتي مش تغلطي انتي كمان وتعملي حاجه مش راضيه عليها

مهما كنتي بتحبي تساعدي حد مش يبقي علي حسابك انتي

روحت وسجدت لربنا انه يلهمني الصواب

بعدها فتحت الميل قلت يمكن اكلم حد واقدر اخرج اللي جوايا لكن مقدرش قلت انام

وانا نايمه حلمت ان حد بيترجاني وبيطلب مني اتبرعله بالدم وبرغم اني بخاف من الحقن

قلت له حاضر ياحج

وهي بتشكني اول شكه اتنطط من الوجع قلت معلش استحمل


والحلم كان فيه بالتصوير البطي المؤلم جدااااااا ازاي اتبرعت بالدم

بعدها صحيت من النوم كنت مقريفه جدا

فتحت الميل كلمت زوزو كانت وحشاني والله

ولاقيت اخويا جه من الشغل وقمت

وكلمتني روزليندا

المهم كلمتني لحد اما رصيدها خلص

وبعدها كلمتها لحد اما رصيدي خلص

يعني قعدنا بتاع ساعه ونص علي التليفون

منكرش اني كنت فرحانه اني بكلمها بس كنت حزينه علي اللي حصلها من محمود من تاني بس هي جدعه

بهدلت بكرامته الارض وقالتله مش يتصل بيها تاني

ال كان نفسه تبقي هي اول واحده تقوله كل سنه وهو طيب ال


وكلمتني علي رساله احمد ليا وليها لما قالنا اننا اصحاب واخوات سكه ومش هيقول ليا يازباله انتي وهي يقصدني انا :(

بعدها فتحت الريدر بس بالاكسبلورر

وبدات ارد علي الناس

كان عندي 122 بوست في الريدر

ربنا يقدرني

واهو فاضل ربع ساعه والديييك بيدن كوكوكوكوكوووووووووووووووووو


يوم السبت

3.1.2009















الجمعة، 2 يناير 2009

يوم الجمعه



صبااااااااااح الخير بليل

امبارح نمت عند ماما بقي وكنت متغطيه بخمس بطاطين وترينجين وجوانتي وكوفيه وروب صوف واربع شرابات طبعا

المشكله ان ماما هربت مني عاااااااااااااااااااااا من سقعيتي وكنت ببردها وكانت بتقولي

هو انتي عارفه تتنفثي من كم الغطا ده يوزنوا 30 كيلوا

نمت بقي وصحيت علي 9 وماما جابت البليله السخنه وفضلت انا وهي نرغي يجي ساعه كدا

ام هند بقولها هو محمد قاعد علي الجهاز قالتلي لا ده باظ وبيصلحه قلتلها منا نايمه كان كويس

طلع قلبه وبينضف فيه رحت جبت انا قطنه وقعدت انضف الكيبورد

واستنيت صلاه الجمعه ونزل يجبله حاجه

المهم بعدها جت مسرحيه كدا اوكيه ومن كتر الضحك حسه ان العمارات

كانت سامعه ضحكتي هههههههههههههههههههه

وافتكرت ميرو لما سمعت ضحكتي قالت عليها كلااااااااااااام وورده برده

امووووووووت واعرف ضحكتي مالها

بعدها ماما جت من السوق وجهزنا الغدا واتغدينا بعدها لقيت محمد

بيقولي درجه حراره الجهاز 52 ولو زادت ل 60 هيرستر بلاش الصفحات الكتير اللي بتفتحيها

هو نزل لتحفيظ القران وانا بقي فتحت الجهاز وكتبت في الميل موضوع درجه الحراره

وكلمت اصحابي بس اللي كنت زعلانه منه ان سندس ضافتني وكانت اول مره

نتكلم ومش كنت عارفه اكلمها عشان خايفه من محمد لا يلاقي الحراره زادات

ويضطر يعمل كمدات للجهاز ههههههههههههههههههههههههههههههههههههههههههههههه

نزلت بوست عناديه

و قمت علي المغرب كدا رحت لتيتا لعبت حبه فل مع العيال وبعد كدا نمت شويه وماما صحتني عشان تشربني الشاي

وعرفت ان خالتو كسبت القضيه ومعاد الاستئناف خلص

وبعدها فتحت الميل وكلمت صبحاتي وبدات ارد علي الكومنتات بس الريدر

مش عاوز يفتح خالص عشان اشوف البوستات اللي نزلت

بس وانا بكلم صبحتي منة جت الثكر بس كانت زحلانه لاعبتها شويه

ونزلت وماماما قالت انتي لو فضلتي مع كيتي هتبقي ارجوااز


واخويا نزل شغله واديني قاعده ثويه يمكن اعرف ارد علي اي بوست قبل اما انام

وسلاموز بقي :)

يوم الجمعه

2.1.2009



الخميس، 1 يناير 2009

يوم الخميس






طبعا الدنيا كانت امبارح تلج

فكنت متغطيه باربع بطاطين ومش كنت عارفه اتحرك بس المشكله اني كنت متلجه برده (مفيش فايده صدقت ياسعد)

صحيت من الونم صليت ورجعت للبطانيه وماما عملت لينا بليله بس انا بشربها من غير اي حبوب

وسخنه بقي يمكن نتدفي ام الهند جه معاد الشغل

ونزلت وركبت المترو ولاقيت مرات خالي وخالتو والمتروووووووووووووو كووووله مات علي نفسه من الضحك

من المهرجان اللي كنت عملاه انا وخالتو

عماله تقولي نفسي اعرف في الموبايل وانا اشررررح واقولها عيب علي كورسات الكمبيوتر اللي

واخداها يالهووووووووووووووووي كنت خارجه من المترو عماله اكتم الضحك عشان المعاكسات انتو عارفين بقي

المهم وانا ماشيه قابلت زميله ليا في الشغل كملت الطريق معاها

ورحت الشغل وفضلت اشتغل وكله يجيي يقول واخده الدفاتر علي الصبح كدا

ويجي استاذ محمد واقوله تسمي حسن كنت سميته اسم روش يقولي اقعدي بالاسماء الغريبه بتاعتك ويضحك علي الاسماء

اصله مسجلني في الموبايل كيارا برده :)

اه علي فكرا اخويا مش بيشتغل معايا هو بيعدي عليا يطمن بس

وعلي 10 كدا خلصت شغل التسجيل

بعدها قلت اشرب نسكافيه عشان اظبط الدماغ كدا لقيت استاذ محمد بيقولي عندك شغل علي الجهاز تاني

اه ياعنيا هتوحشيني والله كنت طيبه ياعنيا

جهاز من 1994 ياناااااااااااااااااااااااااااااااس وموس غريب الاطوار تحس اني

بتخانق معاه عشان يمشي ده انا لو دخلت جوا الشاشه وحركته بنفسي كان مشي

وانا بسجل لاقيت دكتور لؤي جالي هو و دكتور خالد وعاوزين مريض اخد صفائح من 2004

المريض مات قلت يالهوي واهله فاكرين من 2004 ده زمانه اتحنط

المهم دخلت علي الجهاز ودخلت رقم المريض لاقيناه نيجاتف

دخلت اشوف الكروسماتش اتاخدله اكياس ولا لا لاقيناه معملوه كيسين اخدت رقمهم

وقلنا نروح الحسابات نشوف المريض صرف الكيسين دول

احنا كل ده عاوزين نعرف هو سبب وفاته دم ولا العملية اللي عملها المهم سالت ماما

وبقولها ان المريض واخد صفائيح قالتلي الصفائح مش بتموت لو دم كامل اه

بس مش عرفت بقي بقيت الاحداث لان اخد شغل تاني وقعدت اراجع فيه

ام هند خلثت الشغل الساعه 2 كالعاده وكلمت البت سميلي عشان اشوف هنتقابل السبت ولا مش ينفع

وكنت بعدي الطريق انا بتكلم في الموبايل بالسماعات يعني مش ببقي ماساكه حاجه فكنت بعدي وجت عربيه سريعه

فجريت بس زياده شويه فلقيت عربيه تانيه كملت الجريه بس خبطتني في رجلي فوقعت في نفس اللحظه كان ميكروباص

جاي وفرمل وانا واقعه علي اخر لحظه وكل ده حصل في ثواني معدوده يعني كان زماني في خبر كان

واليوميات كانت هتنتهي ب2008

ليا عمر يلا الحمد لله وبعدها كانت سميلي معايا علي الفون فقلتلها كانت في عربيه هتخبطني بس مش قلت

التفاصيل دي قالتلي وبتقولي انك كويسه قولتلها الحمد لله ياسميلي

بعدها ركبت المترو وقابلت بسسسسسسمله قمررررررررررررررررررررر

بنت من المترو اصل انا اما اركب مترو واشوف طفله مش ينفع مش الاغيها

بس كانت حزينه بسال مامتها قالت الطفل بيتاثر من جو البيت فهمت ان في حاجه كمان مامتها كانت حزينه

قولتلها مش هطلب تفاصيل بس ربنا معاكي وصدقيني هيعوضك خير

قالتلي النهارده الخميس بتاع اخويا اول خميس ولقتها عيطت والبت كانت هتقع اخدت شلت البت اوخدت مامتها في حضني

وطبطت عليها حسيت بجبل من الحزن جوايا عشانها وانا مش اعرفها فاكلمت حد من اهلها يستناها علي المحطه هي من المعصره

قبلي بمحطه نزلت معاها وكنت شايله بسمله وادتها لمامتها وركبت المترو تاني نزلت محطتي

وانا ماشيه لقيت اللي بيقول طب مفيش سلام ولا كلام لا كدا زعلان

ببص بعنيا الاقيه محمود ياااااااااااه اخر مره شفاه لما كنت كاتبه بوست يوم من عمري في ضي القمر

سلمت عليه وقلتله رايح فين قالي رايح اذاكر مع اصحابي قوليتله ربنا معاك وسلملي علي خالو ومحمد واحمد قالي ماشي

وطلعت فوق لاقيت ماما بتجهز الاكل وطبعا سالتني عن اليوم بتاعي كالعاده ودخلت الميل كملت انتيمي وحشتيني

اوووووووووووووووووووووووووووووووووووي وقالتلي ارنلها اول اما افتح وبرده سميلي ارنلها وقت اما افتح

نمت ولاقيت محمد بيصحيني بيقولي شكله حلو ولا لا اصله رايح كتب كتاب

المفارقه بقي ان ده كتب كتاب بنت كان عاوز يرتبط بيها وكان بيحبها

قمت لاقيت برنسيس كاتبه انها كلمتني والموبايل مقفول كنت ناسيه خالص لاني كنت قفلاه اليوم كله يعني كلمت ورده وقفلت

وكلمتها وقولتلها هقوم انام بس مش جالي نوم وقلت اكتب اليوم بس الجهاز عملها ورستر كذا مره نفسسسي اعرف المشكله فين

بس واليوم ان محمد هيجي وهيقعد علي الجهاز وانا بقي هعمل ببثوثه وهدي البت ميرو حته عشان هي بتحب الببثوثه

وهدخل بليل الميل عشان اكلم اصحابي هقوم اتفرج علي المسلسل بقي


يوم الخميس

1.1.2009