هناك أشخاص عندما تلتقى بهم تشعر وكأنك التقيت بنفسك
غادة السمان
في ناس فعلا انا بحس معاهم الاحساس دا
وعشان مش عاوزه اخسرهم
مش هقول اسمائهم بس اكيد هما عارفين غلاوتهم عندي
فمش هقدر اقول غير
بحبكم اووووي
النهارده حصل موقف عجيب اوي
ماما الصبح واحنا بنروق لقتها جيالي وبتقولي بصي الورقة دي
ودي مش عادتها لما بتشوف ورقة بتركنها ولما بنخلص بنتكلم
لقتها بتقولي بصي الورقة دي شوفى محمد كاتب ايه
" عاتبني لو لحظه نسيتك
خاصمني لو بكلامى اذيتك
بس متلومنيش من كتر ماحبيتك .. وهكذا الخ الخ "
طبعا انا مش ركزت ان الموضوع رسايل
انا قلتلها دا مش محمد ياماما دا خط بابا
لقيتها بصتلي بصه وعنيها برقتلي
باباكى مين
ايه ياماما هو انا عندي ميت اب ولا ايه
قالتلي ودا كاتبه لمين
انا قلت الموضوع هيقلب ياريتنى كنت لبستها في محمد وخلاص
ركزت قلتلها ايه ياماما بابا ساب كتابة الشعر من ساعة اما اتجوزتو هههههههه
زي مااكون كنت بهدى النفوس بس
قالتلي يعني ايه
قلتلها دي رسايل تقريبا ناقلها عشان يبعتها علي الموبايل عادي يعني
وبعدين انتى هتغيري بعد 26 سنة جواز
برقتلي
فسبتها وبعدت عنها خالص لا اتحدف باي حاجه
بس كنت سامعه بئا خبط ورزع بس عااااااااااادي عملت نفسي عبيطة وطنشت خاااااااااالص
وبلاش احكي بئا علي اللي حصل لما بابا جه
انا كنت سامعه كلمتين منه بس
في ايه بس حصل ايه
كان طيب والله
يلا عشان يبئا يبعت SMS :)
ياسلام علي الدراسات البريطانيه فيها حكمة ونزاهه كدا
ياخلاثي عثل عثل الدراسات البريطانية
بحس انها حاسه بيا كدا وبالعقدة الداخليه اللي فيا
اه والله
يعني لما اقرا الفقرة دي لازم انشكح انشكاح ينكمش بالبروره
ويتمدد بالبرورة بردو باعتبار الشتا علي الابواب
اثبتت الدراسات البريطانية التى أجراها باحثون بريطانيون " طبيعى مش بريطانية " أن المرأة القصيرة تعد أكثر أنوثة من المرأة الطويلة "وقد تفضل جلالته لالالا دي فيلم تاني بس بردو فيه معاناه مع القصيرين عااااااا
بس سيبك شفت الدراسات البريطانية بئا
ياسيدىىىىىىىىىىىى نغم لا وايه كمان حددو الطول من متر ونص لحد 155 وحيث انني اقع في المنتصف منهم
فلازم انشكح العقده اللي عندي انفكت اهي بس الدراسات البريطانية بردو مش قالتلي احل مشكلة اللبس ازاي
مهو اي طقم بجيبه لازم يمر علي عمو الترزي وياخدلي شبرين منه
لو جيبه ليها تطريز من تحت يبقي يقصلي من فوق
وهو يعني الدراسات البريطانية مش قالت للمحلات ولبيوت الازياء العالمية
ان في غلااااااااااااااااااااااااااابة عاوزين يلبسو من غير مايروحو لعمو الترزي
بس في امل بردو :)
مش في حاجه بتيجي سهل واتعلمت عشان احس بطعم الفرحه لازم اتعب اوي عشانها
مريت باحلام كتيرة كل حلم او هدف كنت بحس بطعم فرحته اوي لاني كنت بتعبله اوي
بس وجع الحلم دا اصعب من وجع كل الاحلام مجمعه
يارب ادينى القدرة علي الصبر والتحمل وحسسنى بطعم الفرحة اللي بتمناها
يارب حقق حلمى يارب
الاول وسيلة المواصلات اللي بركبها هي المترو والدراسة طبعا بدأت
وطبيعي بئا بيركب المترو طلبة بنات وولاد وعلي كل الاعمار
وخدو عندكو بئا قلة ادب متناهية وعدم احترام للكبير وحاجات كتير اوي
ومواقف اكتر من قلة الادب اللي ممكن تتخيلوها ومش تتخيلوها كمان
بس اخر موقف بئا انا مش قادره امسك نفسي من الضحك فيه
طبعا انا من النوع اللي لو في ثرثار بصرخ وبنط علي الكنبة ولا الاكروبات :)
لدرجه ان مره كنت صاحية علي 4 الفجر وداخله المطبخ عشان اشرب اتخايلت بحاجه ماشية بس عملت هوليله وصحتهم ولقوه ثرثار كانو هيموتو منى يلا قدرهم
طبعا برغي بس انا بمهد عشان تتخيلو انا كان شكلي ايه
بما ان عندي برد ومش قادره اتحرك اصلا بس بروح الشغل مجبره عشان بجهز لسيستم جديد للشغل ومش ينفع اغيب خالث بتاتا
فركبت المترو وقعدت وركب بعدي شوية بنات في سن اعدادي كدا وقعدو علي الارض كاجروب وقعدين يرغو بئا المستر عمل المستر سوى دا مش عارف مين وقطعو في فروة كوووووووول المدرسين في كام دقيقة
المهم والمترو بيدخل المحطه وبيفتح الابواب عشان الناس تنزل
نلاقي ايييييييييييييييييييييه
تتوقعو ممكن يحصل ايه ؟؟
ولد في سن 11 سنة كدا مش اكتر رمي حاجه علي البنات والمترو قفل طبعا فجاه لقيت صوييييييت وناس بتنط وناس بتجري وناس طلعت فوق بعضها
وببص لقيت قدامي اييييييييييييييييييييييه فارررررررررررررررر
الواد رمي فارررررررررر
نسيت بئا اني عيانه واني مش قادره اتحرك ولقيت نفسي علي الشباك بتاع المترو من فوق وعماله اصوووووووووت والصوت طالع اصلا مبحوح ونصه فاضي واصرخ وماسكه في الحديدة اللي فوق عشان المترو ماشي والفار مش يخرج لا رايح جاي جري في العربية خايف مننا واحنا كمان خايفين منه وحتي الستات الكبيرة بقت تنط مهرجان فعلا
علي فكرة حصل فعلا و مهما اوصفه مش ممكن تتخيلوا اللي حصل
انا خايفه اتعرف علي الناس
خايفه اتكلم مع الناس
بسبب اللي حصلي سابقا وحصل لناس قريبه مني
بقيت حتي خايفه اتكلم مع اللي عارفاهم
بقيت معقده وخايفه اخد ضربة تانيه
ضهري يتكسر مش اقوم منها
ماما بتقولي غلط اللي انا فيه
لان الناس فيها وفيها لازم اكون صلبه ومش اي ريح تهزني
بس انا مش صلبة
انا حد ضعيف ممكن بكلامي ابان اني عنيده وقوية
بس جوايا محتاج طبطة وحنيه مش محتاج غدر وترقب للاحداث
بس خلاص انا اتعقدت واللي كان كان
حتي عيد ميلادي مش نزلت بوست خفت حد يجي ويقلب اليوم زي اي لقاء بيتم
خليته خاص بدرجه كبيرة
وانا رايحه كنت بقول لسونى انا خايفه اليوم يبوظ وهي فضلت تطمني ولما انتهي اليوم
قالتلي شوفتي كان يوم جميل شوفتي ازاي انتي كنتي خايفه وقلقانه
قلت الحمد لله
يارب ارجع زي زمان
طفلة بتقول لمامتها الصبيان بيضربوني ياماما
الام قالت لها اللي يضربك اضربيه بس مش تضربي اي حد اللي يضربك بس
البنت لقتها بتضحك ضحكه ان معناها انها قادرة ترد الضرب وهتنفذ فعلا
الموقف دا خلاني ابص للموضوع من كذا زاوية
لو حبيبه ( ربنا يرزقني بيها يارب ) بتقولي ياماما فلان بيضربني
هيكون تصرفي ايه
لقيت ان هقولها لما يضربك روحي للمس وقولي ليها الكلام دا
وهي هتتصرف
لو حصل الموقف تاني والمس كانت سلبيه او كبرت دماغها
هكلم المس بنفسي
لو حصل تالت
هكلم المديرة
لو حصل رابع
هكلم اهل الولد
لو حصل اخيرا هصدر ابو حبيبه بئا
لكن اني اقول لبنتي اضربيه
كدا هتكون عدوانيه اوي عمر ما ماما قالتلي اضربي اللي يضربك
بس فكرت تاني
انا دلوقت باخد الضربه ومش بردها وبقعد اكبت في نفسي واعيييييييييط
واصلي وادعي ربنا ان انا مظلومه واني مسامحه بس يظهرلي انا كنت صح ولا غلط
يبقي استنتج من هنا ايه
ان البنت تضرب وتكون وسيلتها لاي حاجه عدوانيه وهي لسه في ابتدائي
ولا تكون حليمة في تصرفتها ؟؟
مش عاوزه غيرك انت والله بحبك انت .. اهدتها سابقا لمن لا يستحق
فاصبحت هديه بلا قيمة لمن يستحقها حقا
لذلك ساحتفظ باهدائاتى فيما بعد لمن يستحقها
وان طال الزمن فحتما يوجد من يستحقها
لذلك ساتركها بقيمتها الغاليه ولن ابخس بها الارض
فهو يستحق ذلك.
وبدأ العد التنازلي علي ان تدق عقارب الساعه دقاتها بصوت هادئ
كى تذكرنى ببدا العام الجديد
لكنى لم اسعد به فلم يسعد بى مثلما مضى في الاعوام السابقة
امنية العام الجديد : يارب اجمعني بنصي الثاني
علشان هي بتحبك هي كانت خايفة تقرب منك ولما قربت خافت من البعد !!
ليه دايما لما بنقابل حد بنحبه بجد وانسان جميل بنخاف ونقول مينفعش
فيلم اخر الدنيا
سؤال : ليه الامهات بيضغطوا علي بناتهم ليه بيتلذذو ان بناتهم ينامو وهما حاسين بالنقص :(
ساعات بيجي وقت علي الواحد بيبقي بيمووووووت ونفسه فعلا يموت ويرتاح او يكسر في اي حاجه يعيط زي الاطفال يقول بصوت عالي انا مخنوووووووووووووووق الدنيا ضيقة اوووي ومش لاقي حل لاي مشكله عندى
وساعات تانيه بيكون مبسوووط ومرتاح نفسيا ونفسه يطير ويلعب ويهيص رغم ان اصلا المشكله اللي مخنوقه عشانها فووووق مش اتحلت
ايه الفرق بين الاكتئاب اللي في الساعات الاولي والروقان اللي في الساعات التانيه
الفرق هو الثقه والايمان بالله ان ربنا مش ممكن يكسر بخاطر الواحد وهيحقق حلمه باذن الرحمن وانه هيكتبله الخير
في الحاله الاولي هو للاسف نسى ربه ويقينه ان ربنا قادر علي كل شئ
في الحالة التانية عنده يقين وثقه بالله
وبين دا ودا بتتفاوت حالتنا النفسيه علي قدر ايمانا بالله وثقتنا في انه هيوصلنا لحلمنا
وبس
لما نعيش فى تبات ونبات نجيب صبيان ونجيب بنات
اسمى هوه اللى هياخدوا منى وبس
هياخدوا طيبتك وجمالك
هياخدوا قلبك وخيالك
هياخدوا حبك للحياه
لما نعيش فى تبات ونبات نجيب صبيان ونجيب بنات
اسمى هوه اللى هياخدوا منى وبس
هياخدوا طيبتك وجمالك
هياخدوا قلبك وخيالك
هياخدوا حبك للحياه
هياخدوا ضحكتك الملاك
وعيون اجمل من السما
هياخدوا رقة الندى
هياخدوا حورية من الجنه
هياخدوا اصالة بلدنا
هياخدوا اللى عمرى ما كنت الاقيه
انتى اجمل انسانه شفتها
يا سلام لو ياخدوا الحنيه منك ويخافوا عليه
ياخدوا كل ما فى جرأتك والبراءه فى عينيك
يا سلام لو ياخدوا الحنيه منك ويخافوا عليه
ياخدوا كل ما فى جرأتك والبراءه فى عينيك
هياخدوا سحرك وتأثيره
ويكونوا عليه بيغيروا
ياخدوا منك شقاوتك
وياخدوا فى الجد قساوتك
ياخدوا كل ما فى جرأتك والبراءه فى عينيك
هياخدوا سحرك وتأثيره
ويكونوا عليه بيغيروا
ياخدوا منك شقاوتك
وياخدوا فى الجد قساوتك
وطبعا هياخدوا غلاوتك فى قلبى واعشقهم ادك
برده مقدرتش اقولك كل الكلام
اللى يكفى فى قلبى معنى الغرام
وهفضل اصونك واشيلك يا ضى العين
من الهوى طاير وكل غاير ونار العين
برده مقدرتش اقولك كل الكلام
اللى يكفى فى قلبى معنى الغرام
وهفضل اصونك واشيلك يا ضى العين
من الهوى طاير وكل غاير ونار العين
ده هياخدوا ضحكتك الملاك
وعيون اجمل من السما
هياخدوا رقة الندى
هياخدوا حورية من الجنه
هياخدوا اصالة بلدنا
هياخدوا اللى عمرى ما كنت الاقيه
انتى اجمل انسانه شفتها
آآه
تيمور : العيد جه علشان شفيقة جت الدنيا شفيقة جابت معاها العيد وجت
شفيقة : عمري ماهتمايص علي حد غيرك
تيمور : بزمتك ينفع ابقي راجل حد تاني غيرك ياشفيقة؟
شفيقة :راجل يعني تيمور واي راجل في الدنيا بالنسبالي غير تيمور مسموش راجل
تيمور : عمر ما اي بنت او ست مهما كانت جميلة ملت دماغي ولا لفتت نظري اصل هبص لاي واحده ازاي وانا بحب شفيقة ازاي ممكن اشوف واحده حلوه وانا معايا احلي حاجه
تيمور : دا انا امانك وحمايتك
الفيلم دا انا بعشقه وبعشق تفاصيله
الاغنية دي كل اما تشتغل صدفة
بحس اني طفلة اوي
بلعب وبجري وبتنطط كمان
بتخلي عن كل الوقار اللي برسمه ليا قدام العيال اللي دايما
بفشل فيه مش عارفه ليه
تفتكرو انتو ليه ؟؟
حتي شادن بنت صيدلانية طالعه نازله مش ادتهوووووووووني عاااا
وبتقولها اني لسه في المدرسة عاااااااااااااااااااااااااااااااااااااااااااا
ام هند النهارده لعبت كتير مع العيال وهرجنا وكنت وعدتهم هروح
الملاهي معاهم يوم الجمعه
ولما بهدلونى كالعادة قلتلهم لا مش هروح معاكم
هتبهدلونى وهنبقي قدام الناس
قالولي لا هنبوسك بس وقعدو يتحايلو عليا لحد اما ضعفت ووافقت
ربنا يستر عليا من يوم الجمعه
ماما بتقولي هينطو عليكي ومش هيسبوكي بلاش احسن
قلتلها لا دول وعدوني
قالتلي افلح ان صدق
عااااااااااااااا انتي بتطمنيني يارب يصدقوا في الوعد المره دي
مش زي كل مرة انا اتبهدلت ياجدعان اوي
يارب اسعد كل الاطفال يارب :)
تيجو نطير زي العصافير
نعشق ونغنى ونحب كتير
ونخلي الحزن منا يغير
ويبقي زينا ومن حزنه يطير
ويلعب معنا ويرسم عصافير
وبحب الناس الرايقه .. اللي بتضحك على طول
اما العالم المديئه .. انا لا مليش في دول
ومليش في الدمع لا لا .. ولا في الناس الشياله
كل اللي فـ قلبه حاجه .. اول بـ اول يقول
وبحب اللي مخليها على الله .. اللي ما يحسبهاش
ده العمر قصير ليه نتغير .. والا منعشهاش
بقى كم شالوا هم وحرقة دم .. يا عيني راحوا بلاش
دآهو كده على جرح قال انا ياسلام
وبحب الناس الرايقه .. اللي بتضحك على طول
اما العالم المديئه .. انا لا مليش في دول
""خلوها علي الله ""
احساس غريب اوي حسيته لما عملت صفحة الدعاء
كله اللي نفسه يتجوز واللي نفسه يخلف واللي نفسه يشتغل واللي بيحلم انه يجيب شقة بدل الايجار واللي بيتمني يرجع مصر بدل الغربة واللي نفسه يسد دينه واللي بيدعي ان ربنا يشفيه او يشفي حد من عيلته واللي توفي حد من عيلته
كل الناس عندها امانى واحلام وبتقول يااااااااااااااارب
يارب حقق احلام الناس واجبر خاطرهم
يارب مش تحوجهم لحد
يارب ارحمنا
يارب استجب لدعائنا
ملناش غيرك نلجأ له
بحبك يارب
الخير طعمه حلو اوي
ولما بيجبر بخاطر حد بيحس براحه فظييييييييييعه اوي
يارب ارزقني عمل الخير
يارب حقق امنيتىىىىىىىى
الدنيا ربيع لا لا لا لا لا
لالا لا لا لا
الدنيا ربيع والجو بديع
قفل لي على كل المواضيع
قفل قفل قفل قفل قفل
ما فيناش كاني و ما فيناش ماني
كاني ماني ايه .. دا الدنيا ربيع
الدنيا ربيع الدنيا ربيع
الشجر الناشف بقى ورور .. الله
والطير بقى لعب و متهور .. كدة هو
واحنا حنفرفش امتى امال
دلوقت ولا في سبتمبر ( علي اساس ان لسه فاضل يوم عليه عدوهااااااااا )
قال لك قال لك قال لك ايه .. قال لك اه
قال لك فرفشة اليوم متأجلهاش للغد .. الغد الغد
وللي حنظبطوا مهمومٌ راح نزعل منو بجد .. بجد بجد
الدنيا ربيع والجو بديع
قفل لي على كل المواضيع
قفل قفل قفل قفل قفل
ما فيناش كاني و ما فيناش ماني
كاني ماني ايه .. دا الدنيا ربيع
الدنيا ربيع الدنيا ربيع
يالله مباراة يالله مسابقة من اشطر في الضحكة الرايقة
ابو دم خفيف طبعاً يكسب وابو دم تقيل طبعاً لأ
الورد مفتح شوفو شوفو
بيرقص وداري كسوفو
واللي يحب النبي يا خوانا عالواحد يسقف بكفوفو
لا لا لا لا لا لا و لا لا
لا و لا لا لا و لا لا لا
قال لك قال لك قال لك ايه قال لك اه
قال لك و صفة بلدية للصحة و طولة العمر .. العمر العمر
خد شمس و هوى على مية بلا دوا بلا عيا بلا مر .. بلا مر
الدنيا ربيع والجو بديع
قفل لي على كل المواضيع
قفل قفل قفل قفل قفل
ما فيناش كاني و ما فيناش ماني
كاني ماني ايه .. دا الدنيا ربيع
الدنيا ربيع الدنيا ربيع
حاولت كتير اني اكبر بس كل محاولاتي كانت نتيجتها الفشل الذريع
مش عارفه ليه بفشل في الموضوع دا
كل محاولاتي كان نتيجتها اني اتجرحت واتقسي عليا وشلت الحمول وبان دا عليا
من سنتين فاتو كنت لما بودي بنت خالتي المدرسة كانت الدادا بتفتكرني طالبة في خامسة ابتدائي وبتصمم دا واحلف وهي ابدااااااااااااااا مصممه لحد اما اطلع البطاقة وتعتذر بعد كدا
حتي المعاكسة كنت بتعاكس من طلبة الاعدادي والثانوي مش من الكبار
دلوقت لما ببص لنفسي واللي فات لقتني تعبت من كتر المحاولات
فقررت اني ابطل احاول واعيش زي مابرتاح
اللي جوايا لازم اصر عليه وهضرب كلام الناس اللي عمره ما هيودي ولا هيجيب بعرض الحائط
اه ماهو استحاله حد يكون مر بنفس اللي انت مريت بيه
مهما تشابهت الاحداث بس بردو الاختلاف هيكون قائم
يبقي انت عملت دا او عملت دا مش في حد هيسيبك في حالك
ومش هترتاح
يبقي اعمل اللي يريحك لكن في الغالب اللي بيتعبك هو اللي بيريح الناس وفي الاخر كل واحد اخر الليل بيروح ينام ومش مهم اللي بيتحرق لانه مش مرتاح
لما بيتحط قدامي صورتين صورة انيمي وصورة شخصية حقيقية
بلهس ورا الانيمي والبيبي وببقي مستمتعه اوي لما بسمع اغاني الاطفال
بحب اتفرج علي الكارتون ومش بحب الافلام اللي هي بتاعت الكبار
كل دا افتكرته حنين الي الطفولة
لكن لما كنت بشوف الكتالوجات انا وزمايلي من كام يوم
قاعده بتفرج واقلب فيهم لقتني بقول لزميلي
ايه دا دا كل اوض النوم دي كلها للكبار مش في حاجه حلوه
انا عاوزه لما اتجوز اوضتي مش تبقي كدا
يقولي ازاي دي احدث الصيحات وعمال يرغي
ويقنع فيا وانا كلا البتا
قالي طب شوفي الكتالوج دا
لقتني عماله اقوله
ايووووووووه دول تحفة وطلعت كام اوضة قلتله لما اتجوز باذن الله ابقي اعملي حاجه من دول
قالي
ناااااااااااااااااااااااعم
دول اوض اطفال
وانا مالي هو دا اللي انا عاوزه اعيش فيه
اكتشفت اني مش بحب الحاجات المعقده
ليه الحاجه مش تكون معبرة وبسيطة
هرجع اجري مع بنات خلاتي تاني في الجناين
مش هيهمني واحده تمصمص شفايفها ومش هيهمني حد
لاني ببساطه انا مش هميت حد
هرجع اعمل كل حاجه بحبها
عشان بجد كفايه عندي ضحكتي اللي بتطلع من القلب
خريفها في القلوب مخليها مخوخه وربيعها ف الاحلام مش ممكن تلمسه وحرارتها تحرق الابدان وشتاها بيكمل علي الانسان
يارب انت المعين
مش بطيق شخصيات الفيلم لكن في جملة بجد صعبة اوي وواقعية اوي
^^^^^^^
اصعب حاجه في الدنيا لما تحب انسان وتتعلق بيه
وتلاقي نفسك فجاه مش من حقك حتي تسلم عليه
ساعات بحس ان جوايا طوفان مشاعر لو سيبته ممكن يغرق العالم كله
وساعات بحس ان جوايا حزن شديد ومش ببقي قادرة اتنفس وبحس ان الناس معقدة الدنيا
رغم انها ابسط من اي بساطة
ساعات بنسي واتعامل علي اساس انى ناسية ولما افتكر اقول ازاي انا اتعاملت كدا ونسيت
مش عارفة الاحساس اللي جوايا دا هيفضل لحد امتى بس نفسي ارتاح بجد
المشوار طويل وعارفه انه طويل اوي ويمكن يكون مش طويل وخوفي هو اللي محسسنى انه طويل
ربنا يكتبلي الخير ويكتب الخير لكل الناس اللي اعرفها واللي مش اعرفها
الفيلم رغم انه كوميدي الا انه فيه شوية كلام في الجون
اول اغنية : حظاظا
ماخودش غير اللي اختارته ياناس
كدا صح وغير كدا موش صح
ماخودش غير اللي عشقته ياناس
كدا صح وغير كدا موش صح
دا هو عندى كدا بكل الناس
هو حبيبي هو الصح
ومالى عيني عيني ياعين
ولما قعدو علي البحر لما رجعو لبعض خالد ابو النجا قال :
اللي بيحب حد بجد بيحبه زي ماهو وبيشوفه احلي واحد في الدنيا حتي لو كل الناس شايفه غير كدا
اغنية الفرح
طالعة من بيت أبوها داخلة بيت الجيران
غازلة من الشمس الطرحة جايبة من القمر فستان
حبيتك انا يلا نفرح
بص في عيونى يلا واسرح
دا عيون جريئة ومش بتدبح
و تخلى قلبك يا ابنى وحوح
يااللي شغلت القلب في لحظه خد بس اما اقولك
اول اما شفتك قلبي مال لك
الحب بجد حلو بس محتاج قلوب تحميه وتخاف عليه
من اول مايو وفي قلق في الشغل بسبب ان المدير ماشي وهيجي حد مكانه
وطبعا انا مضايقة جدا من ان المدير ماشي ونفسيتي بايظة اخر حاجه
ولما بنتكلم انا وزمايلي استغربت جدا من كلامهم
وهما بيقولوا ايه المشكلة واحد ماشي واحد تاني جاي ودا حال الدنيا
واكن مش ضحكو مع المدير القديم او في عشرة حلوه
انا مش متخيله اشتغل مع غيره وبتكلم في حاجه نفسية
وهما طبعا عادى بالنسبة ليهم
ولما قلتلهم ازاي اللي بتقولوه دا قالولي هو دا حال الدنيا ما قبليه جه كتير وبعده هيجي اكتر احنا بنشتغل في المكان مش عند حد وهو له كل احترام وتقدير
مش اعرف ليه حاسه بحزن داخلي كدا بسبب الموضوع دا وعاوزه اقوله مش تمشي وتسيبنا :(((
بجد هو حد محرتم اوي وبعتبره زي بابا بالضبط
ياتري هل هتاقلم علي الوضع دا ولا هيكون في تغييييير
ربنا يسترررر
من رمضان مش كتبت
بس انا نفسي افضفض ومش في غير المكان دا
افضفض والك فيه
انا زهققققققققققققققققققققققققققت بجد بمعني من الكلمة
من مشاوير الدكتور
كل شويه رايحه جايه وجاية رايحه
حاه تخنق
ومش باكل اللي نفسي فيه
باكل اكل مش بيعجبني
انا مش بحب اللحم والسسمك
مش بحب الخضروات والطبيخ
ومش بحب اللبن
ولا اي حاجه
حتي المية
كرهت طعمها
وبعد كل دا
الاقي هيموجلوبيني بيقل
طب ازااااااااااااااااااااااااي
ماهو يالدكتورر نصاب
يافي حاجه غلط
في يوم في كذ مكان
يطلع هيموجلوبيني
9- 13.7 – 12.4
اصدق انهو
بيغمي ليا ليه طيب
عملت سكر طلع 93
قالولي كويس
طب اعمل اييييييييييييييه
اروح فين
انا زهقت من الاكل ومن المية ومن الانيميا
ياربي امتى اخلص بئااااااااااااااااااا