يوم الخميس

الخميس، 1 يناير، 2009






طبعا الدنيا كانت امبارح تلج

فكنت متغطيه باربع بطاطين ومش كنت عارفه اتحرك بس المشكله اني كنت متلجه برده (مفيش فايده صدقت ياسعد)

صحيت من الونم صليت ورجعت للبطانيه وماما عملت لينا بليله بس انا بشربها من غير اي حبوب

وسخنه بقي يمكن نتدفي ام الهند جه معاد الشغل

ونزلت وركبت المترو ولاقيت مرات خالي وخالتو والمتروووووووووووووو كووووله مات علي نفسه من الضحك

من المهرجان اللي كنت عملاه انا وخالتو

عماله تقولي نفسي اعرف في الموبايل وانا اشررررح واقولها عيب علي كورسات الكمبيوتر اللي

واخداها يالهووووووووووووووووي كنت خارجه من المترو عماله اكتم الضحك عشان المعاكسات انتو عارفين بقي

المهم وانا ماشيه قابلت زميله ليا في الشغل كملت الطريق معاها

ورحت الشغل وفضلت اشتغل وكله يجيي يقول واخده الدفاتر علي الصبح كدا

ويجي استاذ محمد واقوله تسمي حسن كنت سميته اسم روش يقولي اقعدي بالاسماء الغريبه بتاعتك ويضحك علي الاسماء

اصله مسجلني في الموبايل كيارا برده :)

اه علي فكرا اخويا مش بيشتغل معايا هو بيعدي عليا يطمن بس

وعلي 10 كدا خلصت شغل التسجيل

بعدها قلت اشرب نسكافيه عشان اظبط الدماغ كدا لقيت استاذ محمد بيقولي عندك شغل علي الجهاز تاني

اه ياعنيا هتوحشيني والله كنت طيبه ياعنيا

جهاز من 1994 ياناااااااااااااااااااااااااااااااس وموس غريب الاطوار تحس اني

بتخانق معاه عشان يمشي ده انا لو دخلت جوا الشاشه وحركته بنفسي كان مشي

وانا بسجل لاقيت دكتور لؤي جالي هو و دكتور خالد وعاوزين مريض اخد صفائح من 2004

المريض مات قلت يالهوي واهله فاكرين من 2004 ده زمانه اتحنط

المهم دخلت علي الجهاز ودخلت رقم المريض لاقيناه نيجاتف

دخلت اشوف الكروسماتش اتاخدله اكياس ولا لا لاقيناه معملوه كيسين اخدت رقمهم

وقلنا نروح الحسابات نشوف المريض صرف الكيسين دول

احنا كل ده عاوزين نعرف هو سبب وفاته دم ولا العملية اللي عملها المهم سالت ماما

وبقولها ان المريض واخد صفائيح قالتلي الصفائح مش بتموت لو دم كامل اه

بس مش عرفت بقي بقيت الاحداث لان اخد شغل تاني وقعدت اراجع فيه

ام هند خلثت الشغل الساعه 2 كالعاده وكلمت البت سميلي عشان اشوف هنتقابل السبت ولا مش ينفع

وكنت بعدي الطريق انا بتكلم في الموبايل بالسماعات يعني مش ببقي ماساكه حاجه فكنت بعدي وجت عربيه سريعه

فجريت بس زياده شويه فلقيت عربيه تانيه كملت الجريه بس خبطتني في رجلي فوقعت في نفس اللحظه كان ميكروباص

جاي وفرمل وانا واقعه علي اخر لحظه وكل ده حصل في ثواني معدوده يعني كان زماني في خبر كان

واليوميات كانت هتنتهي ب2008

ليا عمر يلا الحمد لله وبعدها كانت سميلي معايا علي الفون فقلتلها كانت في عربيه هتخبطني بس مش قلت

التفاصيل دي قالتلي وبتقولي انك كويسه قولتلها الحمد لله ياسميلي

بعدها ركبت المترو وقابلت بسسسسسسمله قمررررررررررررررررررررر

بنت من المترو اصل انا اما اركب مترو واشوف طفله مش ينفع مش الاغيها

بس كانت حزينه بسال مامتها قالت الطفل بيتاثر من جو البيت فهمت ان في حاجه كمان مامتها كانت حزينه

قولتلها مش هطلب تفاصيل بس ربنا معاكي وصدقيني هيعوضك خير

قالتلي النهارده الخميس بتاع اخويا اول خميس ولقتها عيطت والبت كانت هتقع اخدت شلت البت اوخدت مامتها في حضني

وطبطت عليها حسيت بجبل من الحزن جوايا عشانها وانا مش اعرفها فاكلمت حد من اهلها يستناها علي المحطه هي من المعصره

قبلي بمحطه نزلت معاها وكنت شايله بسمله وادتها لمامتها وركبت المترو تاني نزلت محطتي

وانا ماشيه لقيت اللي بيقول طب مفيش سلام ولا كلام لا كدا زعلان

ببص بعنيا الاقيه محمود ياااااااااااه اخر مره شفاه لما كنت كاتبه بوست يوم من عمري في ضي القمر

سلمت عليه وقلتله رايح فين قالي رايح اذاكر مع اصحابي قوليتله ربنا معاك وسلملي علي خالو ومحمد واحمد قالي ماشي

وطلعت فوق لاقيت ماما بتجهز الاكل وطبعا سالتني عن اليوم بتاعي كالعاده ودخلت الميل كملت انتيمي وحشتيني

اوووووووووووووووووووووووووووووووووووي وقالتلي ارنلها اول اما افتح وبرده سميلي ارنلها وقت اما افتح

نمت ولاقيت محمد بيصحيني بيقولي شكله حلو ولا لا اصله رايح كتب كتاب

المفارقه بقي ان ده كتب كتاب بنت كان عاوز يرتبط بيها وكان بيحبها

قمت لاقيت برنسيس كاتبه انها كلمتني والموبايل مقفول كنت ناسيه خالص لاني كنت قفلاه اليوم كله يعني كلمت ورده وقفلت

وكلمتها وقولتلها هقوم انام بس مش جالي نوم وقلت اكتب اليوم بس الجهاز عملها ورستر كذا مره نفسسسي اعرف المشكله فين

بس واليوم ان محمد هيجي وهيقعد علي الجهاز وانا بقي هعمل ببثوثه وهدي البت ميرو حته عشان هي بتحب الببثوثه

وهدخل بليل الميل عشان اكلم اصحابي هقوم اتفرج علي المسلسل بقي


يوم الخميس

1.1.2009




15 التعليقات:

Marcos يقول...

Best regards and Happy New Year from Spain!!

You RE VERY VERY BEAUTIFUL!!! :)

fashkool يقول...

مش تاخدى بالك وانت بتعدى عربيتين وكانت حتختم بالميكروباص .. خدى بالك شويه من الطريق .. وربنا مع المريض اللى بقاله 4 سنين .. قولى لى يا كيارا ايه اللى حصل فى المدونه الاولانيه بتاعتك اصل كل ما كنت اروح لها الاقيها بتقول لى انت مش مدعو
على فكره انا كنت عند مولان واعتقد ان هى انت .. هو كده صحيح .. تحياتى وكل سنه وانت طيبه هجرى وميلادى

كيــــــــــــارا يقول...

انا مولان وانا كيارا

ضي القمر اتعملها هااااك واتقلبت موقع اباحي وبعدها حذفتها وفضل اللي عاملها هاك ينزل مواضيع قله ادب وبعدها باسبوع حذف الموقع الاباحي وضي القمر راحت خالص :(

fashkool يقول...

ماشى يامولان .. قصدى يا كيارا .. برضه انا حآجى اعلق سواء انت مولان انت زى السكر وسواء انت كيارا انت زى العسل وعمك فشكول بيحب ولاده السكاكير والعساسيل .. تحيات عمك فشكول يا كيارا

fashkool يقول...

استغربت الاسم اللى معلق فوق خالص ولقيته اسم غريب وبعدين رحت عنده .. لقيته اسبانى ولقيت المدونه بتاعته يعنى مش حلوه خالص ومدونه قبيحه.. قمت راجع على طول

كيــــــــــــارا يقول...

ربنا يخليك ياعمووووووووووو

وفعلا بقي غريب انا زعلت اووووووي علي المدونه دي

يلا الحمد لله

نورني دايما يااجمل عمو

smilyrose يقول...

يانهار ابيض كل دا حصلك وتقولى بخير

يابنتى دانا بقرا كلماتك وقلبى بيتنفض من الخوف

عليكى المهم انتى بخير

خلى بالك من نفسك يا نبض قلب سمايلى


انتى عارفة ممكن اروح فيها لو حسيت بس انك بتتالمى

مستنياكى يا عمرى

smilyrose

روح الحب الصادق

mero-moory يقول...

السلام عليكم و رحمة الله و بركاته

الف ثلامه حليكي يا قطتي ان ثالله الوحثين وانتي لاء موث تاخدي بالك يا روحي قلقتيني حليكي بكد ربنا يحفظك يارب ويخليكي ليا يارب
بث دلوقتي انا حايزة ببثوثه وبليلة كمان ثوفتي الطفاسه هههههههه

وحثتيني يا قطتي أووووي وخلي بالك من نفثك عثان خاطلي

بموت فيكي يا قطتي (اموااااااه)

هابي نيو يير حبيبي ولو اني قلتهالك وقتها هههههه

في رعاية الله

hager يقول...

الحمد لله انها جت سليمه
ابقي خلي بالك بقي معدتيش تحطي السماعتين كفايه واحده بس :p

نيجار يقول...

كيارتي
الف سلامه عليكي يا حبيبتي
والحمد لله انها جت سليمه وخدي بالك تاني
مره وانتي بتعدي،
هو النسكافيه السبب منه لله

habiba يقول...

كل سنه وانتى طيبه ياجميله

على فكره فرحت باسم كيارا جدا لما رجع تانى
بجد بحس بانتماء ليه يمكن لانى اول ماعرفتك كان بيه :)

happy new year

حسن حنفى يقول...

طبعا كان لازم يسميه حسن

ايه فيه اعتراض

:-w

الازهرى يقول...

يا خسارة

وبتى نمرة العربية التانية
لازم السواق يتسجن المفروض ما كانش فرمل وكنا ارتحنا

المهم
تعرفى انا زى خالتك تمام
بادرس برمجة وقواعد بيانات
وابيض فى موضوع التليفون ده
واهى ماشية

تصبحى على خير
وخليكى كيارا بقى بلاش وجع دماغ
اول تغيير بعد كده وهاخاصمك تلات دقايق على الاقل

princess يقول...

اسمى جيه فى المحضر هيه هيه هههههههه
اما موضوع تعدية الشاعر فانا برده كده اتوبيس ماشى ميكروباص ماشى وفرملة على اخر وقت
بحس انى بعدى ودماغى سيباها فى بيتنا وببقى ولا مشغولة باى حاجة متفهميش بقى
المهم كل ما اعدى الشارع لازم افكر فى حياتى كلها ههههه
ربنا يخليلى باص المدرسة بقالى كتير معدتش الشارع هيه:)
حمد الله على سلامتك يا جميلة
سلاموز

شفقة هانم واحسان بك يقول...

جميلة أوي فكرة اليوميات دي يا كيارا
والمدونة الجديدة شكلها مميز
سامحيني اول مرة أزورها النهارده
وأوعدك هندوشك كل شوية
بس خلي بالك منها
وحاسبي من الهاكرز

إحســـان

 
يوميات مولان الخاصه © .