الأربعاء، 31 ديسمبر 2008

يوم الاربعاء



اليوم زي كل يوم بصحي نفس النظام وبروح الشغل

وكنت لابسه طقم جينس عاااااااااادس جدا والحجاب عااااادي جدا

راح زميل ليا بيقولي انتي النهادرة مظبطه نفسك قولتله فين ده الطقم بسيط اوي مش فيه اي تفصيله

المهم اجي كدا يقوم يعاكس اجي كدا يعاكس

المهم وانا كنت بجيب الدفتر وماشيه بضهري لقيته بيعاكس وانا مطنشه خالص بلف ظهري كدا لقيت مييييييييين

محمد اخويا وباصصله حته بصه حرررقته ههههههههههههههه

وبعدها محمد قالي ياصفايح الزبده السايحه وهو مولع وانا ميته من الضحك

علي الموقف وبعدها محمد قالي انتي تيجي الاوضه دي ليه قولتله هجيب الدفتر يامحمد شغل يعني

قالي طيب لما تروحي رنيلي قلتله حاضر بعدها كملت الشغل لحد الساعه 2 ورحت مضيت ومروحه

لاقيت واحده بتبصلي اوي وانا ببصلها اوي

انا شفتها وكلمتها انا متاكدا

دي يااكانت معايا في ثانوي يا الكليه ياربي هي مين

وهي برده بتسال نفسها

مبقتش عارفه

اروح اكلمها ولا لا

المهم شاورتلها بطريق انك انتي عارفاني وانا عارفاكي المهم شاورت نفس الطريقه

رحتلها لاقتها دفعتي في الكلية واتكلمنا بقي وقالتلي اخبار شويه من الدفعه

واللي كمل دراسات عليا واللي اتجوز واللي سافر واللي اشتغل

حسيت ان في سنتين عدوا من حياتي ولا اكن لهم وجود رجعتني لايام المحاضرات والدكتوره امال

يااااااااااااااااااااااااااه ايام جميله


بعدها روحت وحضرت الغدا مع ماما واتغدينا

بعدها ماما بتقولي في هبد الحقي

قولتلها هبد ايه قالتلي حد بيهد حاجه

قولتلها دي موسيقي ياماما صباح الفل

قالتلي موسيقي والله

فييييين ايام زمان

بعدها كلمت مبرو عشان استاذنها في اني انزل الحوار في عالم مولان

الجهاز كان بيرستر برده نزلت البوست ورحت نمت

علي 7 ماما صحتني بس كانت مفهماني ان الساعه 8.30

صحيت قعدت انا وماما ننم شويه طبعا

ونتكلم عن اللي حصل في الشغل وعن محمد وبصته لزميلي

بعدها محمد جه وقعد علي الجهاز

وورده كلمتني وزعلانه عشان البوست بس

واقسم بالله اناا بحبك ياورده اووووووووووووووووووووووووووي

بعدها دخلت الميل كلمت الجوكر وحبيبه الروح وباربي وصول واستنيت ورده تفتح

وميرو كلمتني الساعه 12

واديني هقوم انام

تصبحوا علي خيييييييييييييييير

الاربعاء

31-12-2008

اخر بوست ان شاء الله في 2008


الثلاثاء، 30 ديسمبر 2008

يوم الثلاثاء

ازيكم ايزيكم ياللي احنا كونا عنديكووووووو

طبعا بليل انا كنت هتلج من السقعه فرحت اخدت الغطا بتاعي ونمت عند ماما

عشان ادفي وانا في حضنها

المهم المنبه رن وصحيت لقيت ماما بتقولي حراااااااااااام عليكي

بتنامي بالعرض وموتتني من الضحك ههههههههههههههه

المهم صليت وقريت قران ولسه هقوم اجهز عشان اروح الشغل

تيييرررن تيرررن

الو ازيك ياخالتو

لقتهم بيقولولي اقابل خالتو في محطه المترو هتديني حاجه محمد هيجيني الشغل ياخدها مني

وبحدين المهم جهزت ولبست ونزلت المترو زحمه جداااااااا

وفضلت مستنياها في المعادي كدا هكتب اذن

اتصل تقولي واقفه فييين بس ياخالتو اكتشفت بعد كدا انها حدائق المعادي مش المعادي

نزلت ومنه وندي مسكوا فيا

اضطرت خالتو تروح معايا الشغل عشان خاطر العيال وجبت مثاثه ليا ولندي

وبعدها خالتو روحت وانا رايحه الشغل قابلت في الشارع

استاذ محمد الي شغال معايا ولقيته مروح طلع مراته بتولد لما كلمته

علي 9 كدا في التليفون عرفت انه جاب حسن ربنا يباركله فيه ويكون ولد صالح

المهم رحت الشغل لقيت مس صابرين بتقولي انتي جايه حاميه كدا ماسكه الدفتر

قولتلها عندي شغل كتير وانا بسجل جالي دكتور لؤي وقالي علي شغل هيتعمل في الجهاز التاني

رحت بقي عملتلي نسكافيه حلو كدا وشغلت امل حياتي لام كلثوم وقعدت اشتغل

بقي كل اللي بيشتغل يجي يقعد يسمع شويه ويمشي رحت رنيت لمحمد اخويا عشان يجي ياخد الورق اللي ادتهوني خالتو

جه بعدها بساعه

قالي يارايقه

ام كلثوم ونسكافيه مشروب ياعم الروقان

هو قال الكلام ده من هنا ولاقيت مطرررررره من الشغل من هنا

علي 1 خلصت الشغل بتاع الجهاز ده ورحت اسجل شويه في الملفات

وبعدها روحت وانا مروحه كلمت نيجار وفضلنا نتكلم لحد اما ركبت المترو وروحت

رجعت لقيت ماما مجهزا الغدا اكلت وفتحت الجهاز عشان اكلم نيجار بس عنيا لقتها مرهقه جدااااا

قفلت ونمت صحيت صليت المغرب ونمت هوا مفقتش الا الساعه 8

كنت هلاكانه مووت قعدت ارد شويه علي البوستات لحد اما محمد جه وقعد علي النت

وكلم واحد فلسطيني وقاله انت خاين

فمحمد ناداني عشان اتكلم انا وبجد اتحرق دمي بس مش سبته الا لما خليته يكره اليوم اللي قابل محمد اخويا فيه

كان نفسي يقول انتي غلط بس عشان عارف انه غلط مكنش قادر يرد وقفل النت كله


بعدها اتفرجت علي خيانه مشروعه

ولما محمد قام غيرت التمبلت بتاع عالم مولان

واديني بنزل البوست اهو

تصبحوا علي خير لحسن هموت وانااااااااااااااااااااااااااااام

يوم الثلاثاء

30-12-2008

الاثنين، 29 ديسمبر 2008

يوم الاثنين




يوم الاتنين

اجااااااااااااااااااااااااااااااااااازه هيييييييييييييييييه

وعشان اجازه سهرت مع ميرو ونيجار لحد الفجر


وكل شويه ماما رايحه جايه

انتي لسه كل ده منمتيش

انا اه ياماما محلش بقي مهو بكرا اجاااااااااااااااااااااااااااااااازه


صليت الفجر ونمت ومش صحيت الصبح هييييييييييييييه مهو مش فيه منبهات

وانا موبايلي كان فاصل شحن يعني اشطه بقي

وعلي 8.30 لقيت خونااااااااااااااااااااااااااااااااااااااقه ومحمد اخويا صوته ملعلع


مش شغل ده ايه القرف ده هو استعباد ولا ايه علي ايه الكام جنيه اللي بيدهوني ده انا

بصرفهم في نزوله
هما فاكرين نفسهم ايه ايه القرف ده وكلاااااااااام بقي كتيييييييييير


كفيل اني اصحي من النوم حتي لو كنت في غيبوبه

في ايه ياماما في ايه يامحمد صاحيه مش مستوعبه حاجه

ولقته بيقولي شفتي عبير عامله ايه

قولتله اهدي بس في ايه

يقولي هو انا لسه ههدي نزلتني نبوتاجيه النهارده وانا معرفش

انا ليا 9 ايام اجازه ومش اخدهم عماله تنزلي نبشيات

العيد نزلته كله وبالاربع وعشرين ساعه ومش باخد اجازات ولا باخد افورتيم

ايه القرف ده

وهو لولولولولولولولوك

لحد اما انا وماما هدناه عشان يروح الشغل لان محدش هناك مكانه

***********

محمد ربنا هداه ونزل واتصلنا بي بابا عشان يتصل بيه ويهديه

بعدها رحت نمت تاني ماصدقت بقي الاقي السرير

الاقي خير اللهم اجعله خير فيه فريق نام عليا اتخضيت

فيه ايه
طبعا لاقتهم القمرات ندي ونهال وهدي ومنه

ايه ده مين اللي شال البت منه هدي تقول انا انا

وطبعا شكلهم ثكر وينور الدنيا كلها

وندي بقي قووووووووووومي يلا كفايه نوم

انا بقولها كفايه نوم

هي تضحك وتقول اه


طيب هاتي بوثه طيب

تقوم مدياني حته ثكره وتقولي هاتي انا بقي ثكر

اقوم حضناها وبيساها

تقوم نهال تزعل اقوم واخداها في حضني هي وهدي وندي ومنه ماليش غيركوا يخربيت عثلكوا

وبعدها نهال قالتلي عاوزه اتكلم معاكي

قولتلها دلوقتي قاللي اه

رحت حاولت انفرد بيها عشان تتكلم كان طبعا مستحيل فقولتلها بكرا نتكلم

وهما مش موجودين
وخرجنا ماما لاقتها حطت عسل نحل عشان ااكله ليهم فطرتهم

وانا شربت النسكافيه بتاعي
ولعبنا وهزرنا لحد اما باباهم جه واخدهم واخد نهال معاه


وانا بقي قعدت علي النت


ارد علي البوستات القديمه بتاعت عالم مولان ويوميات مولان

ولقيت منامينو منزل بوست واخد فيه كلمتي لضد التيار

وهي ضد ياضد ياضد ياضد ياضد ياضد ياضد ياضد ياضد ياضد ياضد ياضد ياضد

وهي دخلت وفضلنا احنا التلاته نهزر علي الكلام


وبعدها فتحت الميل وبكلمها ولسه بنتخانق عشان ياضد ياضد ياضد ياضد ياضد ياضد

راح الجهاز عندي رستر 6 مرات ومبقتش عارفه اشغله كلمتها قالتلي طيب سبيه يرتاح شويه


في الوقت ده كان مسلسل الضؤ الشارد شغال

وفضلت انا وماما نتفرج عليه وخالتو جت بقي وقعدنا نرغي شويه ونهزر

بس بعدها جالي تليفون


حكايه التليفوون

من حوالي شهر كان في واحده زملتي من الكليه كلمتني وانا كنت عند تيتا

لما لاقت الموبايل مقفول وتليفون البيت مش في حد بيرد

فراحت كلمتني عند تيتا عشان زمان كنت شبه مقيمه عند تيتا و طلبت مني

اني اجيب صوره عريس وعروسه
واحط صورتها وصورة واحد هي هتبعتهولي

رفضت طبعاااا وتيتا قالتلي حد عارف الناس مش جايز تكون عاوزه تخرب بيته

ولما كنت ساعتها سالتها السبب
راحت قالت لي عشان هي قالت لاصحابها في الشغل انها اتجوزت

وجابت دهب وقالتلهم ان دي شبكتها
وهما طلبوا صورة علي الاقل عشان يتاكدوا

والا هيقولوا انها اتجوزت عرفي او من ورا اهلها
المهم اني رفضت اصلا

كلمتني تاني النهارده

وقالت هتفضح

ارجوكي اعمليها وفضلت تقول كلام انا بصراحه مبقتش عارفه
اعمل ايه

قولتلها لا مهما كان مش هقدر اعمل حاجه زي كدا

بعدها قالتلي طيب فكري وهكلمك كمان يومين قلتها مش هفكر

قالتلي هكلمك تاني سلام
بعدها رجعت اشوف الجهاز فتح تاني رديت علي الكومنتات

اه وسمعت اغنيه و ياناس انا دبت في دباديبه

انا قلبي مشعلل في لهيبه

شهرين والتاني وعدو والحلو اهو خالف وعده وانا دبت يانا س واتاريني

لا انا قد الهوا ولا قده

افتكرت نونا وهي في ابتدائي هي ونورا وبوسي 3 بنات ( انا وبنات عمتي )

كنا فقرررررررررررررررررر وحشوني والله

نورا اكبر مني ب6 سنين وهي اكبر حفيده لجدو وجدتي من ناحيه بابا

وبوسي اسمها ساره بس بنقولها بوسي

هي اكبر مني ب3 سنين وبعدهم انا

عارفين ان ساره مش عرفت ان اسمها ساره الا وانا في اعدادي

كل ده اعرف انها بوسي

يعني انا الحفيده التالته لاهل بابا واول حفيده لابنهم

المهم نكمل اليوم

ويعد المغرب انا نزلت رحت لتيتا عشان العب بقي

بس العيال شردووووووووووووووووووووني خالث

مث بقيت انفع عااااااااااااااااااااااااااااااا

بس ايه انا وهما عملنا حزب ورحنا زغزنا تيتا وطلعت بتغييييييييير ههههههههههههههههههه

وكمان خلاتو بقي كلهم بيجرو مننا هههههههههههههههههههه

كان يوم حلو اوي وفرحت فيه خاصه انه كان فيه ندي ومنه ونهال وهدي


والا منه دي بقيت بتسحف وتقول مممماما مممماما ياخلاثي علي الثكر

وهي بتتحدف عليا ثكر ثكر


يوم الاثنين

29/12/2008





الأحد، 28 ديسمبر 2008

يوم الاحد يوم حزين

النهارده كان يوم حزين ومش هكتب حاجه في اليوم حداد لما حصل في غزة

بس الشي المميز في اليوم اني قعدت مع نهال بنت خالتي وسمعت منها
كلام عمري ماكنت اتخيله في طفله في سنها

يااااااااااه معقول الحزن ده كله في طفله في سنها



عاوزكم تدعوا لولد مصري بالشفاء العاجل

ربنا يرحم الضابط المصري الشهيد اللي استشهد في معبر رفح علي الحدود المصريه

ربنا مع اهل غزه






السبت، 27 ديسمبر 2008

يوم السبت ومقابله سميلي روز

يوم السبت

انا نمت متاخر امبارحعلي 2 كدا

مش عرفت انام بدري كان بالي مشغول كالعاده

وعلي الفجر كدا سمعت صوت بيقول روح صحيها عشان تصلي

والغريب بقي اني اول اما سمعت الصوت ده قمت علطول ولا حسيت ان عنيا عاوزه تنام

ولا اي حاجه


فقمت صحيت ورايحه اقول لماما انا قمت من غير ماحد يصحيني افاجئ انها نايمه

ابص علي محمد الاقيه نايم

الله امال مين اللي قال صحيها

بعدها بعشر دقايق لقيت المنبه يتاعي بيرن

قفلته وروحت اصحي ماما

لقتها قالت فيه ايه فيه ايه واتخضت

ياماما حرام هو كل اما حد يصحيكي تتخضي كدا وتخضيني معاكي عااااااااا


رحت صليت وقريت قران

بعدها لبست ونزلت بسرعه لاني كنت متاخره

بس كنت حاسه اني بعرج

اما نزلت بقي من السلم قلت اشوف الكعب وانا لسه قدام البيت لحسن يكون فيه حاجه

اقوم افاجي اني لبست فرده كحلي وفرده روز هههههههههههه

يامحمددددددددددددددددد وانادي ان حد يسمع ابداااااااااا طبعا قافلين الشبابيك

رحت اتصلت بماما وقلتلها تنزل فرده من الاتنين

نزلت الروز وادتها الكحلي


وانا ماشيه لقيت الموبايل بيقول "انا انا قطه قطه مغمضه انا قطه مغمضه

ياناا يانانا يااااااااااه اه يابسبس اه ياحلوه يامقطقطه"


مين اللي انا عامله له الرنه دي كانت نهال بنت خالتي


هي البت اخدت الموبايل معاها المدرسه ولا مراحتش شكلي هبهدلها

كنسلت عليها واتصلت انا

ايوه يانهال انتي مرحتيش المدرسه قالت انهارده اجازه

مالك يابت صوتك في ايه كان شكلها بيعيط اوي

وراحت تقول تعالي دلوقتي انا مخنوقه ومش طايقه البيت ومش طايقه اللي اسمها ماما

لو مش جيتي هنتحر واخلص من الدنيا دي

انتي يابت فيه ايه لكل ده وكمان اجي ازاي انا في الطريق للشغل

ايه اللي حصل

ومالك قالبه علي مامتك ليه

تقولي يرضيكي بابا يتصل ومش يقولولي

ومصطفي يبعتلي رساله ويمسحوها

طيب اهدي يانهال وانا هاجي بعد الشغل واتكلم معاهم ماشي

قفلت واتصلت بخالتو

راحت قالتلي جدتك اللي ردت علي باباها ونسيت خالص تقول لنهال

والرساله والله ماحد مسحها

انا همسح رساله ابني يعني

قولتلها طيب براحه عليها وانا هاجي اقعد معاها



ورحت الشغل وكان عندي شغل اد كداااااااااااا عنيا هتررررررروووووووح

فضلت اشتغل بقي لحد الساعه 1

رحت كلمت سميلي عشان اشوف هي جايه ولا لا

قالتلي انها في الطريق

ولقيت ا/ محمد بيقولي ايه انتي هتقعدي ساعه كمان عشان الشغل لازم يخلص

قولتله صحبتي جايه مش ينفع

قالي اعزميها علي حاجه المهم لازم الشغل يخلص

قولت لما تيجي هقعدها معايا واحاول اخلص بسرعه

المهم جت 2 والملف بتاع الدونر مش جهز فاخدت الشنطه وروحت

قابلتها ياااااااااااااااااه كنت مشتاقه اشوفها اوي بس لقيت عنيها حزينه ااااه ياقلبي وجعتيني

اخدنا تاكسي ورحنا علي مول طلعت حرب

المكان المفضل عندي

طلبناا ايس كريم في الشتااااااااااا

وقعدنا رغينااااااااااااااااااااااا

وبعدها قمنا واحنا خارجين طلعت المثااااااااااااااااااااااثه

ورحنا شوفنا المحلات اهو نشوف الموديلات ايه

ورحنا بعدها للعبد جبنا ايس كريم تاني

وبقي في ايدي مثاثه وايس كريم عااااااااا اكل انهو

خلصت الايس كريم وبعدها المثاثه

وفضلنا نتمشي وكنا طايرين مش حسينا باي تعب رغم اننا مشينا كتيييييييييييييييييير

وشغلتلها انت خلتني اعبس الحب وياك الف حب

كل نظره اليك بحبك بحبك

بحبك من جديد

وافضل احبك من جديد

انا حبيت في عنيك الدنيا كل الدنيا

حتي عوازلي او حسادي كل الناس حلوين في عنيا حلوين

وشغلنا اغنيه الحكايه لوائل جسار واد ايه كانت اغنيه رائعه مع لمعه الميه بتاعت النيل

اه نسيت واحنا ماشين واحد ادنا ورقه انا مش باخد بس هي اخدت المهم

قالها خربشي وليكي هديه


خربشنا طلع جها ز كهربي

المهم دخلنا سيبت البت ترغي عاوزه اجيب اخرها

لحد اما قالت ادفعي 20 جنيه عشان تاخدي الهديه والمبلغ هيتردلك وقت الاستلام

قلتلها اه منا عارفه بس بابا مسافر

قالتلي هيجي امتي قلتلها لا ده قدامه مده

خرجت منها بالعافيه وانا همووووووووووت من الضحك اصلي فهماهم

المهم واحنا ماشين علي النيل

لقيت رنه

ماما ماما لسه ياماما تعذبيني لمحمد فوزي

الو ماما قالت كل ده اركبي المترو يلا

وانا في المترو سميلي بعتتلي رساله بتقول فيها ايه

في 1968 حليم قال اهواك

في 1975 شاديه قالت ريداك

في 1988 فايزه قالت روحي فداك

في 1999 دياب قال تملي معاك

لكن في 2008 قلبي قال

شكرا يااجمل ملااك

بعدها وشي بقي جب الواااااااااااااان والناس افتكرت ان المسج من ولد

وروحت وجايه فرحااااااانه بس للاسف اول اما ماما فتحت الباب

لاقتها ادتني الخبر التمام اسرائيل بتضرب في غزه

ايه بتضرب طب استني اما افتح الجهاز عشان افهم بصراحه كان عندي صداع

فقمت نمت ساعه


وبعدها صحيت لقيت الريدر فيه 106 بوست وانا عندي 6 بوستات مش رديت علي حد

ولسه هعرف اخبار غزه الان

يوم مليان

السبت

27/12/2008

الجمعة، 26 ديسمبر 2008

يوم الجمعه

يوم الجمعه

اخيرااااااااااااا اجااااااااااااااااااازه ومش هصحي بدري

وعشان كدا سهرت بقي كل شويه بابا وماما وانا قاعده علي الكمبيوتر

مش هتنامي

انا اقول لالالالالالالالالالالالالالالالاممكن ابدا ده بكمرا اجااااااااااااااااااااااازه

فضلت سهرانه للساعه 3 كنت بكلم اصحابي وعمالين نرغي


راح بابا صحي وقالي نامي بقي عشان انا هسافر الصبح عشان الحق اسلم عليكي

قلت مااشي يابابتي واستاذنتت من صبحاتي

قمت احاول انام ابدا كان بالي مشغول اوي

رحت اقرا قران عشان احس بالامان

مبقتش احس بالامان الا وانا بصلي او اقرا قران غير كدا بيبقي جوايا خوف

رهيب مبقدرش اتحمل شبحه اللي بيحاوطني


بعدها الفجر اذن وصليت ونمت

ياااااااااااه محستش بنفسي وانا نايمه نمت نوم عميق وطبعا مفيش

تيتيتيتيتن تيتيتييتتن تيتيتيتين

هههههههههههههههه بس والساعه 7 الصبح لقيت حاجه بتعمل

تيتيتيتيتين تيتيتيتين تيتيتيتين


ياتري دا حلم ولا بيتهيقلي اعااااااااااااااااااااا حتي في الاجازه


ابص كدا الاقي بابا ضابط المنبه بتاعه عشان ايييييييييه يصحي بدري


بس مش صحي انا اللي صحيت عااااااااااااااااااااااااااااا وبحدين بقي


المهم رحت ناديت علي ماما


ياماااااااااااااااااااااااااااااااااما اقفلي الازعاج ده حتي يوم الاجااااااااااااااااااااازه


بعدها ماما قفلت المنبه ونمت تاني هدؤؤؤؤؤؤؤؤؤؤؤؤ


لقيت فتله بتزغزني طنشي يابت


برده مصمممه قلت دبانه اهشها هتمشي


مش بتمشي هههههههههههههه


قمت صحيت لقيت بابا بيمشي عليا فتله عشان اصحي


عااااااااااااااااااااااااا ايه يابابا قالي

انا قربت انزل تعالي اقعدي معايا شويه عشان هتوحشيني



قلتله انا جايه وراك


قمت من السرير حسيت بالبرد


رحت خرجتلهم بالبطانيه ههههههههههههههههههههههههههههههههههههه


ماما قالتلي غووووووووووووووووووووووووووري جايه بتهمه عليكي


غير اللي انتي لابساه


ده مش كويس يابنتي


وانا كل اللي عليا بردااااااااااااااااااااااااااااااااانه ياناس


راح محمد قال


يعني 3 ترنجات فوق بعض


واربع شربات


وروب صوف


وكل ده وحاطه بطانيه عليكي انتي محسساني اننا عايشين في الاسكيمو


رحت قلتله هات ايدك وامسك ايدي وشوف انا بدلع ولا فعلا علي حق


لاقني رصااااااااااص


قالي في ايه انتي الهوا بيجيلك ازاي المفروض انك محصنه المهم


بابا قال ايه هاتي ورق النقابه بتاعي عشان عاوز اشوف حاجه


قولتله حاضر


رحت كانت اوضتي مش متولع فيها النور ففتحت الباب بتاع الدولاب

وراحه افتح النور بلف كدا لقيت حاجه بتخرج من الدولاب

ومش كنت شيفه اوي فافتكرت انها ايه


قطــــــــــــــــــــــــــه

يالهوي قطه وخارجه من الدولاب دخلته ازاي

(ده الكلام اللي دار في دماغي وفي نفس اللحظه اللي تخيلتها نها قطه محستش غير بقي وانا )



بصرررررررررررررررررررررررررررررخ الحقنيييييييييييييييييييي يابابا


كله جري عليا بسرعه وانا خلاص كانت اعصابي باظت


بيقولوا فيها ايه ولسه بفتح النور


لاقتها الجاكت الفرو بتاعي اتزحلق من الشماعه ووقع

ياحيني عليهم هيجلهم سكته قلبيه من خضاتي

هههههههههههههههههههههههههه


بابا مشي من الاوضه وهو متننننننننننننننننننننننح


هههههههههههههههههههههههههههههههههه


جبتله الورق بتاع النقايه

وقالي اهدي شويه عاوز ارجع الاقي مامتك عايشه

مش عندها سكته قلبيه


هههههههههههههههههههههه

بعدها بقي بابا حضني وباسني وقالي هتوحشيني يابنت الايه

وهتوحشني شقاوتك وهزارك



محمد خلي بالك من مامتك واختك انت الراجل هنا حافظ عليهم

ومش تتاخر برا مع اصحابك



ونزل معاه محمد عشان يوصله


بعدها طبعا جريت علي اوضتى ونمتتتتتتتتتتتتتتتتتتتتتت


وصحيت علي 11 روقت الشقه وكدا


وبعدها نزلنا اناو ماما نصلي الجمعه


ورجعنا نجهز الغدا


ونمت تاني وصحيت علي العصر كدا

وفضلت ارغى انا وماما واحنا في اوضتها وبنقزقز لب وبنتفرج علي التليفزيون


وبعدها جيت قعدت علي الجهاز شويه وعلي المغرب محمد جه قمنا اتغدينا


وماما نزلت السوق تجيبلي علبه نسكافيه عشان الشغل وتجيب لبن للبيت


وحصل حاجه غريبه بعدها لما فتحت الخط تاني بتاع الموبايل لقيت

رساله غريبه اوي



مش هقدر اقولها دلوقتي بس من المحتمل اقولها بعد كدا


وهعمل بعد شويه بسبوسه عشان محمد عاوز ياكل حاجه حلوه

مش كفاه كيكه امبارح عااااااااااااااااااااااااا


وهفضل ارد علي الكومنتات اللي في عالم مولان لان في اربع بوستات

انا لسه مش رديت عليهم وعندي كومنتات كتيره اوي



يوم الجمعه

26-12-2008


الخميس، 25 ديسمبر 2008

يوم الخميس

اممممم اولا كدا اهلا بيكيم في مدونتي الجديده يوميات مولان الخاصه

ودي بدايتا كل يوم هيتكب فيها بوست عن اليوم بتاعي يوم بيوم

ولان كل يوم هنزل بوست فيها فهمنع عنها الكومنتات عشان مش ارهقوا بالرد

بس لو حابين اني افتح الكومناتات طبعا تقدروا تقولوا ده في عالم مولان


********

تيتيتتن تيتيتييتن تيتييتيتن تيتيتييتن


لالالالالا ده مش تهيس ده جرس المنبه عااااااااااااااا

مزعج اوي المنبه ده اقوم انا بقي ايه اكنسله ولا اكننه رن


حد شاف حاجه

حد سمع حاجه طبعا لا ههههههههه

ولسه عنيا بتغفل الاقي ايه ماما

يلا قووووووومي الساعه 5 عشان تلحقي تصلي وتجهزي

يماما بقي اجهز في ايه انا مش هاخد ثواني وهاكون ناطه في قلب المترو

طب روحي صحي محمد وانا وراكي اهو

وانام تاااااااني


بابا بقي

قوووووووومي ماانتي مش عارفه تقومي عشان قعده الكمبيوتر

لا حول ولا قوة الا بالله هو انا بقيت اقعد خالص وبعد الكلمتين دول لازممن ولابوود اقوم

اقوم اخد الشاور واتوضي واصلي وادخل الصاله صباح الخير ياماما واخد بوستي وحضني

صباح الخير يامحمد

نازل معايا قالي اه بس البسي بسرعه مش عاوز لكاعه

انا بقي هوااااااااااا


هوا دي بقي يعني نص ساعه عقبال اما البس واجهز واحط السماعات واجهز حاجتي


والاقي محمد نازل جرررررررررري يبني استني

الاقيه يقولي انجزي اضطر اسرع انا كمان ويلاقيني عماله افرك في ايدي من الساقعه عشان ايدي بتبقي زرقا

يقوم واخد ايدي وحاططها في جيبه عشان يدفيها

ونيجي بقي للمترو اقطع انا التذكره

الاقيه نط هو من فوق المكنه وانا ببصله كدا باندهاش

ايه ده انت بتعرف تنط من فوق المكنه اه ماانت طويل

يقولي امشي ياقصيره عاااااااااااااااااااا بقي كدا يامحمد

اقوم انا بقي اشغل الانفوخي واقوله

طب انت بتعرف تعدي من تحت المكنه


يقولي لا ليه اقوله انا بعرف وهو يبصلي ويضحككككككك

اركب انا بقي السيدات وهو الرجاله

اصل اخويا عصبي موت ولو لاقي حد بص كدا حد عمل كدا هتولع الدنيااااااااااا

واعدي بقي علي االراجل اللي قدام الطب الوقائي مكان شغلي السابق واجيب النسكافيه

بعدها اوصل للفرنساوي اللي هو مقر عملي

واروح احط الكارت عشان اثبت اني جيت في المعاد بعدها اروح علي بنك الدم شغلي

اروح احط الشنطه والف علي كله اسلم عليهم وكدا

واخد ملف الدونر او الاستوك او الكروس ماتش عشان ابدا اسجل في الملفات لحد اما بقي مييييييين

دكتور احمد ينادي عليا من الافااااق البعيده يامولااااااااااااااااااااااااااااااااااااااان

( اسمي الحقيقي مش مولان طبعا )


الاقي النيرس بقي ترد يقولها انتي مولان تقوله لا يبقي بتردي ليه

ينادي تاني اقوم قايله ايوه يادكتور

يقولي عاوزين نعمل الفرام بتاع تسليم النتائج

اقوله حاضر اخلص بس الدفتر ده وهاجي فوريره

وطبعا وانا بخلص

الاقي مثلا احده كبيره بياخدو منها عينه

والمس بتاخدها قدامي انا مش عارفه ليه ركزت معاها منا متعوده اني مش ابص

لازمن ابص يعني

المهم ايه دخلت في اديها الحقنه وسحبت الدم

انا شفت كدا وحسيت ان جالي هبوط ووشي سقع اوووي ومقتش سامعه

والرؤيه بدات ترووح


بعدها لقيت الميس بتقولي اغمي عليكي ولا لسه كانت فوقتني طبعا

المهم قولتلها انتي ادتيها الحقنه جامد ليه

قالتلي ده انا ايدي خفيفه

طبعا كل شويه مريض بينزف وعاوزينله دم

وبيدوروا علي متبرعين

حصل حاجه غريبه ان فصيله O-


كان الطلب عليها زايد النهارده بشكل غريب

بعدها بقي جه واحد كان متبرع وبيسال عن نتيجته المهم كانو مشغولين

فقولتله انت اتبرعت امتي واسمك ايه

لاني اكيد مسجلاه في الكمبيوتر

المهم قالي وببص كدا لقيته عنده فيرس سي

اوووووووووه طب اقولها ازاي دي

رحت قولتله ايه استني لما هما يخلصوا وهيقولو ليك

بعدها لاقيت أ/ محمد بيناديني عشان اعمل الفرام

قلت اهو اغير المكان كل اللي بيجي متبرعين وانا خلاص مش مستحمله

كل اما اشوف حد ياخد حقنه اعصابي مش بتبقي علي بعضها


دخلت بقي وابتديت شغل وكان معايا دكتور احمد بجد هو دكتور زي العثل


وبعد اما قال هو عاوز الفرام ازاي

خرج مع الحمله اللي نازله

وبقيت انا في المكتب لوحدي شغاله وبعدها لقيت استاذ محمد جه وعمال

يعاكس فيا بهزار طبعا


وقالي انا خارج اجيب نسكافيه ليا وليكي عشان عارف انك مش بتفطري

قولتله ماشي اكون انا خلصت وراح دكتور شرين نادي عليه وقال اخرجي

انتي جبيه طيب


خرجت الجو برغم انه تلج بس كان بيمطر وانا بعشق المطره

حطيت الزعبوط علي الحجاب

وجبت اتنين نسكافيه

ورجعت عملته وكملت شغل في تصميم الفرام الجديد

وخلصته علي 2 كدا كان معادي خلص

بس لسه دكتور شيرين مش مضي الورق

رحتله قالي انا همضي ده كله

قلتله محلش بقي

ومضيته اكتر من 32 ورقه كان هيولع فيا بعد كدا

وبعدها مشيت بقي رحت مضيت

وكانت المطره زادت بشكل كبير وعديت علي الوقائي

كنت هطلع لاصحابي فوق اسم عليهم بس قلت اتصل بواحده اشوفها

فوق ولا لا وبالمره اسلم علي دكتوره سوسن


كانت صاحبتي غايبه فقلت اروح وخلاص وانا ماشيه فيه مربعات

كدا في المحطه


قعددت امشي علي مربع مربع ومش عاوزه اتلغبط وفجاه لقيت بنت

صغيره ماشيه معابا وبتقلدني وبعدها لقيتها بتقولي



هييييييييييييييييييييه انتي غلطتي في خطوه انا اللي اكسبت


بصراحه اندهشت ورحت بقي فوت الموضوع وقولتلها لا انا مش

غلطت انتي شفتي غلطت


راحت البت جابت واحده صاحبتها وعشان تحكم مين هيغلط هههههههههه

ده الموضوع كبر اهوو


المهم في اللعه دي فوت 3 متروهات


وبعدها قولتلها انا اتاخرت ولازم اركب


المهم بركب لقيت بنوته تانيه


اسمها شهد بصراحه اجمل شهد سمعته في حياتي

المهم من غير مااعمل حاجه لقتها بتضحكلي

المهم قعدت الاعبها واهزر معاها وصورتها

وبعدها في بنت راحت ادتها بسكويت

فالبنت اخدته فمامتها قالت هي معها وبعدها راحت ضربت شهد عشان

اخدت البسكويت البنت بكت اوي بجد صعبت عليا بس مش طبطت لاني

شايفه ان مامتها صح عشان مش تبص لحاجه مش بتاعتها



مهو الطفل بيتعلم من صغره مش وهو كبير


وبعدها قعدت اهزر والعب تاني معاها

لحد اما جت محطتي

ورحت قلت لشهد باباااااااااااااي

لاقتها عيطت اني ماشيه رحت بوستها وقولتلها ابقي تعالي عندي واسمعي

كلام ماما ونزلت وانا ماشيه المطره راحت عشان عندنا الجو غريب شويه


لقيت مين لقيت احمد جاي من المدرسه ده ابن خالي سلم عليا وكدا

وقولتله لو طالع لتيتا سلملي عليها


وطلعت فوق لاقيت بابا بيجهز شنطته عشان السفر بكرا

قعدت اعملا معاه

وجيت افتح المدونه

وانزل اول بوست

اليوم الخميس 25.12.2008