اليوم كان جميل جدا بس للافس ماما لحد الان سبقاني في القران عااااااااااا
وكمان عدم وجود بابا في الفطار مخلي اليوم في حاجه ناقصه افتقد كوبايه الشاي اللي بعملهاله بعد الفطار ويقعد يغيظ في ماما ويقولها كوبايه شاي مني مزااااااااااج
تقوله لا والله طب خليهالك بقي هتعملك يوم وتسيبك عشرة يقوم يقولي هتعملي كدا فعلا يامني
اقوله طبعااااااااااااااااااااااااااااااااا بس مام نسيت حاجه يقولي ايه يااروبة اقوله هعملهالك يوم وانسي شهر شهرين تلاته يقولي بقي كدا يانونا اقوله وبطقم حنيه كدا اقوله وانا اقدر انسي حبيبي دي بتوقع بينا يارب الشغل يخلص بقي يابتى
ام هند رحت انا وماما الصلاه زي كل يوم بس اتاخرنا شويه اصلي كنت بعملهم عصير مانجووو
بس فرحت اوي لما لاقيت ناس مش اعرفها بيقولولي اتاخرتي ليه انا حجزالك المكان اللي بتحبيه قلتلها ربنا يخليكي انتي عارفه الشغل بتاع البيت تقولي ايو ياختي انتي هتقوليلي وابتسمنا وبعدها صليت المغرب وقريت قران واذ فجاه الاقي صوت واحده بس الصراحه صوت تحس انها هتضرب اللي قدامها كدا يعني
احنا بنلم لاعمار الجامع يقوم في شويه ستات يقولوليها لا الشيخ قال اللي يلم منكم مش تدولو واللي عاوز يحط عنده صندوق الزكاه وكلمه في كلمه هههههههههههههههه لاقيت خوناااااااااااااااااااااااااااااقة كبيرة جدا جدا
وماما كل اللي عليها هو في ايه اقولها مفيش كبري كبري
لحد اما اذان العشا اذن وصلينا وجينا للفاصل بين الاربع ركعات والاربع ركعات الخطبة
اول مره اشوف خطبة عن الكرسي جديدة صحيح صحيح
لما وقت خطبة كامله يكون عن الناس اللي بيقعدو علي الكراسي وبيعقوا الصلاه معناه ان بجد طفح كيل الشيخ وقعد يقول اختارو اماكن علي جنب والشباب حرام تقعد علي كرسي طالما عنده ا القدره علي الوقوف الركعه اللي في الصلاه فرض والسجده فرض والوقوف فرض اما النوافل حتي لو قادر ممكن تصليها وانت قاعد وهتاخد نص الاجر بس بيني وبينكم كنت سامعه الخطبة دي ببركة دعا الوالدين من الدوشة اللي بيعملوها في مصلي الستات ياجدعان وربنا حرام انا لو رميت ابره في مصلي الرجاله هسمع رنتها انا طبلة ودني اتخرمت من الرغي
انا رغاية اه لكن كل حاجه بوقتها والمشكله ان كل الستات بيقولوا هس امال مين اللي بيرغي جننوووووووووووووووووووني وجابولي بربري
الموهم انتهت الصلاه وطبعا مازلت انا وماما رافضين اننا نفتح التليفزيون ونتفرج علي حتي مسلسل واحد
وادي تالت يوم عدا
كل عام والامه الاسلاميه بخير وربنا يجعلنا من عتقاء الشهر الكريم
هناك 5 تعليقات:
ازيك
انا برمضن في الرياض
تحياتي
حمد الله علاي السلامه يابااااااااابتى
قروا بقى على مصلى الرجالة P:
المهاردة الامام قال تعليق كده بين صلاة العشا والتراويح بخصوص الموضوع ده عجبني بصراحة
قال ياجماعة لازم يكون للجامع احترام شوية
قال يعني مثلا اكيد في بيوت انتوا بتدخلوها بيكون اصحابها ناس محترمين وذوي قدر عالي بالنسبالكم
اكيد صوتكم في البيوت دي مابيكونش عالي
المفروض ان الجامع يكون احترامه اكتر من اي بيت تاني
وانا متاكد ان هو كده بالنسبالكم فياريت نهتم بالهدوء شوية واخص بالذكر الاخوات السيدات المحترمات.
جزاكم الله خيرا
رمضان كريم
هههههههههههههههههههه
اه هنقر بقي
حندك مانع
ايه الناس دي
ياباي علي البشر
كل سنة وانتى طيبة ياكوكو ياقمر :)
وحشتيني اوى
إرسال تعليق