تاني يوم من اجمل شهر

الأحد، 23 أغسطس 2009

طبعا اليوم الصبح كان زي الفل وفطرنا ونزلنا انا وماما علي الجامع واحنا ماشيين بقي

شايفه ياماما فاتحين كل نور المدرسة ازاي مش حرام كل الفصول مفتوحه والشارع ضلمه

اه والله حرام

تحسي ان مش في تخطيط

تحسي مع ازبهلال

هههههههههههههه لا مش تحسي فعلا مش في تخطيط

واحنا ماشين تاني شميت ريحه فحم وقعدت اكح

ايه دا ياماما

دا فحم بيتحرق

بس دا كدا يلوث البيئه

ي ايه يلوثه هي مش متلوثة !!

هههههههههههههههه

ورحنا الجامع وصلينا

لكن النقطه اللي استفزتني الخطبة بجد الخطب مستلهكة استهلاك فظيع ومش في عيل صغير مش عارف الكلام  احنا في عصر النت والفضائيات وعصر الانفتاح في المعلومات عيب اوي لما نقعد نقول كلام مستهلك لازم نتعب شويه واحنا بننتقي المواضيع امال رجال دعوه ازاي

وانتهي اليوم كل عام وانتم بخير

 

7 التعليقات:

كاتب مصري يقول...

السلام عليكم
كل سنة وانت طيبة
ازيك يا كيارا
شمس النهار قالتلي آخد نمرتها منك وأكلمها
انت مش بتفتحي الميل اليومين دول ولا ايه
سلام

كيــــــــــــارا يقول...

هو ميل المجلة في حد تاني بيفتحه غيرك لو انت بس اللي بتفتحه هبعتلك الرقم علي الميل
وكل سنة وانت طيب :)

سمسمه يقول...

كل سنه وانتى طيبه ياكيارا
وان شاء الله السلبيات دى تختفى

كاتب مصري يقول...

ابعتيلي على ميل الخاص الي عندك ع الياهو بلاش ميل المجلة

M. Selim يقول...

والله يا استاذة كيارا انا اعتقد ان احنا اليومين دول لو شمينا هوا نضيف هنتعب
لاننا خلاص خدنا على التلوث وعملنا دماغ بيه لحد مابقى ده الطبيعي

اما بقى بالنسبة للخطب فعلا انا معاكي في ده جدا وللاسف بقت حاجة منفرة فعلا
تلاقي اغلب الناس بيخرجوا بعد الاربع ركعات يمكن بسبب الخطب دي
وكمان حاجة تانية
مفيش انتقاء لاصوات الائمة
يعني انا لما بكون بصلي ورا امام صوته حلو بحس اني مركز معاه اوي ومش داري باي حاجة حواليا
على النقيض تماما بقى لو كان الامام صوته مش حلو ودي الاغلبية للاسف

رمضان كريم

تامر علي يقول...

كل عام وانتم بصحة وسعادة

تقبل الله منا ومنكم صالح الأعمال


اتفق معك تماماً في نقطة انتقاء الموضوعات وانا رأيي انه يسيب الناس في حالها ويسكت احسن ما يصدعهم بكلام عديم النفع
تحياتي :)

very sad يقول...

السلام عليكم

كل رمضان وأنتي بألف خير

رمضان كريم

مدونة رقيقة جدا

وتدوين هايل

أتمنى لك كل التقدم والسعادة

دمت بمحبة الله

تحياتي لكي

dark angel

 
يوميات مولان الخاصه © .