حواء هى حواء

الجمعة، 29 أكتوبر 2010

image

النهارده حصل موقف عجيب اوي

ماما الصبح واحنا بنروق لقتها جيالي وبتقولي بصي الورقة دي

ودي مش عادتها لما بتشوف ورقة بتركنها ولما بنخلص بنتكلم

لقتها بتقولي بصي الورقة دي شوفى محمد كاتب ايه

" عاتبني لو لحظه نسيتك

خاصمني لو بكلامى اذيتك

بس متلومنيش من كتر ماحبيتك  .. وهكذا الخ الخ "

طبعا انا مش ركزت ان الموضوع رسايل

انا قلتلها دا مش محمد ياماما دا خط بابا

لقيتها بصتلي بصه وعنيها برقتلي

باباكى مين

ايه ياماما هو انا عندي ميت اب ولا ايه

قالتلي ودا كاتبه لمين

انا قلت الموضوع هيقلب ياريتنى كنت لبستها في محمد وخلاص

ركزت قلتلها ايه ياماما بابا ساب كتابة الشعر من ساعة اما اتجوزتو هههههههه

زي مااكون كنت بهدى النفوس بس

قالتلي يعني ايه

قلتلها دي رسايل تقريبا ناقلها عشان يبعتها علي الموبايل عادي يعني

وبعدين انتى هتغيري بعد 26 سنة جواز

برقتلي

فسبتها وبعدت عنها خالص  لا اتحدف باي حاجه

بس كنت سامعه  بئا خبط ورزع بس عااااااااااادي عملت نفسي عبيطة وطنشت خاااااااااالص

وبلاش احكي بئا علي اللي حصل لما بابا جه

انا كنت سامعه كلمتين منه بس

في ايه بس حصل ايه

كان طيب والله

يلا  عشان يبئا يبعت SMS  :)

 

8 التعليقات:

محمود(باحث عن حب) يقول...

هههههههه
يارب
يخليك بابا وماما
طبعا حواء هى حواء

Ramy يقول...

دا انت بتحبى ابوكى حب

حرااااااااااااااااااااااام

عليكى

حتى لو هو دارى عليه

و ابقى بعدييين قرريه (:

هههههههههههههههههههه

كيــــــــــــارا يقول...

يااااااااارب يامحمود

اه انا اتاكدت بنفسي :)

كيــــــــــــارا يقول...

رامى

هههههههههههههههه مهو الموقف جه بسرعه وهي كانت عامله ترهيب مش عرفت افكر كنت برد بتلقائية متناهيه ههههههههه

لو كنت مستعده كنت هظبطه هههههههههههه

mrmr يقول...

دا انتى هديتى النفوس بشكل
هههههههه
تانى مره يا شاطره ابقى متهديش النفوس
لحسن بتقلب فى الاخر خبيط فى الحلل

بس المراه هى المراه الغيره ده طبعها

تصبحى على خير يا اجمل كيااااارا

صيدلانيه طالعه نازله يقول...

هههههههههههههههههه

و الله يا كركر طووووووول عمرى اقول عليكى بلسم

تتحطى على الجرح يفقفق
اتقى الله يا شيخه
ده ابوكى برضه
يعنى قريبك حتى و لو كان من بعيد يعنىى

تعملى فى الراجل كده

كنتى مشيها محمد و خلاص
و اهو الواد لسه فرى و محدش بيدور لا عليه و لا وراه

مفتريه

L.G. يقول...

ضحكتيني ربنا يخليكي
ويستر على باباكي
بس كويس انها بتغير ديه علامة صحية

هبة الله محمد يقول...

هههههههههههههه ايه الاجرام ده

 
يوميات مولان الخاصه © .