اقر واعترف

الأحد، 10 أكتوبر، 2010

60085_469442411762_386178881762_6553464_7794417_n

انا خايفه اتعرف علي الناس

خايفه اتكلم مع  الناس

بسبب اللي حصلي سابقا وحصل لناس قريبه مني

بقيت حتي خايفه اتكلم مع اللي عارفاهم

بقيت معقده وخايفه اخد ضربة تانيه

ضهري يتكسر مش اقوم منها

ماما بتقولي غلط اللي انا فيه

لان الناس فيها وفيها لازم اكون صلبه ومش اي ريح تهزني

بس انا مش صلبة

انا حد ضعيف ممكن بكلامي ابان اني عنيده وقوية

بس جوايا محتاج طبطة وحنيه مش محتاج غدر وترقب للاحداث

بس خلاص انا اتعقدت واللي كان كان

حتي عيد ميلادي مش نزلت بوست خفت حد يجي ويقلب اليوم زي اي لقاء بيتم

خليته خاص بدرجه كبيرة

وانا رايحه كنت بقول لسونى انا خايفه اليوم يبوظ وهي فضلت تطمني ولما انتهي اليوم

قالتلي شوفتي كان يوم جميل شوفتي ازاي انتي كنتي خايفه وقلقانه

قلت الحمد لله

يارب ارجع زي زمان

5 التعليقات:

Timo.. يقول...

متهيالي ماما عندها حق..

فيه كلمة حلوة لماركيز بتقول:

"Maybe God wants you to meet many wrong people before you meet the right one,
so when this happens, you’ll be thankfull."


كل سنة وانت طيبة :)

محمود(باحث عن حب) يقول...

السلام عليكم
اولا اسمحى لى بالتعليق
اختى
ملاحظاتى عليكى من اخر بوست وهو بوست العيد اللى فات وانتى مش متظبطه خالص ولغايه تلوقتى
اصلح الله احوالنا جميعا
ثانيا
اختى العزيزه
هذه الايام مفيش امان خالص انا ولد بس بكون حريص فى تعاملاتى جدا مش خوف عليا لآ خوف على اهلى لو حصلى حاجه بحيث مكونش جبان وبرضوا محرمش نفسى من اللى نفسى فيه اتعرف واتكلم واعيش الحياه انما غوص فى العلاقات بالنسبه لى لآ مينفعش لان فى ناس ممكن تستغل الكلام ده باسلوب مش لطيف
بالنسبه للبنت الموضوع مختلف شويتين
لان علاقه البنت فى المجتمع بتخلف عن علاقه الولد
وخصوصا العلاقات بين البنات وبعضها
ولما يمر باى بنت موقف بيكون معلم عندها زى ضربه عصايا مميزه وبتوجع لو حد مرر عليها كده بس اقولحك على حاجه انا كنت زيك كده وافظع منطوى جدا ومعرفش اتكلم لا مع \ولد ولا بنت خوفا من اللى شوفته وسمعته من اعز الناس عندى
قرأت حكمه بجد غيرتنى شويه مع الانغماس فى المجتمع اللى عايش فيه عرفت انها صحيحه
(من الله معه فمن عليه ومن كان الله عليه فمن معه)
بجد جامده الجمله اتعلمت بعدها انى اتوكل على الله واتعرف واتكلم وما خافش وكلامى يكون محسوب بالشعره
وبحيث محدش يعرف عنى اكتر من اللى عاوزه يعرفه
حرص برضوا
وافرض سوء الظن حتى يث3بت العكس
اسف على الاطاله
وياريت اكون عرفت اكتب اللى عاوز اوصله لحضرتك
يارب يبارك فيكى يارب
وكل عام وانتى بخير وسعاده
وانا برضو كل سنه وانا طيب عيد ميلادى الاسبوع اللى جاى نفس الشهر
سعيده انتى دائما اتمنى لكى

محمود(باحث عن حب) يقول...
أزال المؤلف هذا التعليق.
كيــــــــــــارا يقول...

انا عارفه ان ماما صح لكن الاحساس اللي جوايا لما اتبني الكلام مش هيهده ..

حلوه الكلمه دي اوي :)

وانت طيب يارب :)

كيــــــــــــارا يقول...

محمود

ياااااااااه هو باين عليا اوي كدااا

هحاول اعمل اللي بتقول عليه بس انا عارفه اشك اني اقدر :(

 
يوميات مولان الخاصه © .