بين الاكتئاب والروقان

الخميس، 23 سبتمبر 2010

9 (2)

ساعات بيجي وقت علي الواحد بيبقي بيمووووووت ونفسه فعلا يموت ويرتاح او يكسر في اي حاجه يعيط زي الاطفال يقول بصوت عالي انا مخنوووووووووووووووق الدنيا ضيقة اوووي ومش لاقي حل لاي مشكله عندى

1193443303_f

وساعات تانيه بيكون مبسوووط ومرتاح نفسيا ونفسه يطير ويلعب ويهيص رغم ان اصلا المشكله اللي مخنوقه عشانها فووووق مش اتحلت

ايه الفرق بين الاكتئاب اللي في الساعات الاولي والروقان اللي في الساعات التانيه

الفرق هو الثقه والايمان بالله ان ربنا مش ممكن يكسر بخاطر الواحد وهيحقق حلمه باذن الرحمن وانه هيكتبله الخير

في الحاله الاولي هو للاسف نسى ربه ويقينه ان ربنا قادر علي كل شئ

في الحالة التانية عنده يقين وثقه بالله

وبين دا ودا بتتفاوت حالتنا النفسيه علي قدر ايمانا بالله وثقتنا في انه هيوصلنا لحلمنا

وبس

9 التعليقات:

فتافيت يقول...

بس بيكون غصب عنا يا قلبي

يعني ساعات بنكون واثقين في ان اللي احنا فيه قدر ولازم يحصل.. والانسان بطبعه ضعيييييييف مهما قوي

عامة ربنا دايما جنبنا.. مافيش احن منه

حلوة البلوج ديه
اول مرة اشوفها على فكرة :)

كيــــــــــــارا يقول...

عارفه انه غصب عن الواحد

انا اكتر حد تعبان ومكتئب واكتر حد رايق مش عندي وسط خالث

يارب حقق احلامنا

ربنا يخليكي انتي الاحلي ياقمرة

دي بقالها سنتين علي فكرة :)

Butterfly يقول...

يااااه انتى فعلا بتوصفى حالى اليومين دول
بس بجد بيبقى غصب عننا وحتى فى عو ما بنبقى متضايقين بيبقى جوانا فاكرين ربنا وعندنا امل انه يفرجها علينا

mrmr يقول...

العوامل المحيطه بالانسان هى التى تودى الى الحاله النفسيه
كتير مننا بيبقى مخنووووق بدون سببب معروف
وكتير قوى مننا بيبقى مبسوووووط برضه بدون سبب معروف
فى كلا الحالتى هذا هو الانسان السوى
والحالات دى بتكرر كتير معايا ومع غيرى
لكن بالصلاه والثقه بالله الاكتئاب يزول والفرحه يزيدها ربنا فرحه

ثانكس كيارا

ادم المصرى يقول...

ديما بيجلنا الاحساس ده لما بيكون فى يأس او انكصار من شيئ معين او ضعف او فشل واغلبيتو بيكون فشلا بس مع الايمان وقوم الاسلام بتعدى الايام وبتهون علينا وديما الى بيمر بلحلات دى فى الوقت الراهن البنات لأنهم حساسين جدا وديما بيفشلو فى اختيرهم لأنهم بيتصرفو بل فطره الا من رحم الله طبعا وربنا ينجينا كلنا انتى هيله يا كيارا ومدونه دى جمدا جدا هجيها على طول

كيــــــــــــارا يقول...

Butterfly

عارفه والله بس عارفه بئا الضيق دا ساعات كتير بيكون من ضغط الناس اللي حوالينا :((

كيــــــــــــارا يقول...

مرمر

صح يامرمر

ربنا يصلح حالك ويسعدك ياحبيبتى

كيــــــــــــارا يقول...

ادم

معاك حق واحساس الانكسار وحش اوووي ومؤلم جدا

ميرسي ربنا يكرمك ومبسوطة ان المدونة البسيطة دي عجبتك :)

sony2000 يقول...

انا هقول
وحشاني اوي
ودا يبسطني اوي

 
يوميات مولان الخاصه © .