الجمعة، 21 أغسطس 2009

اول صلاة تراويح

 

 

 

 

 

طبعا كل عام وانتم بخير دي اول صلاة تراويح وبجد الواحد مفتقد للغذاء الروحي دا اوي

لكن للاسف  مش في حاجه بتكمل علي خير النهارده واحنا بنصلي حصل 3 مواقف ضايقوني اوي اوي  هما

اول حاجه الكراسي انا مش بعترض ان الكبار يقدو علي الكراسي لكن يكونو جنب بعض مش في النص والجنب وهنا وهنا وبيعقوا المصلين علي اداء الصلاه ويخبطوهم مش حاجه انسانيه خالص

تاني حاجه " يهمك في ايه " دي اول اغنية يهمك لعمرو دياب ودي طبعا كانت بصوت رنان بيخرج الواحد من الاندماج والخشوع طيب  يعني انتي اللي هيتصل هتردي عليه في التليفون وانتي بتصلي اعمليه حتي صامت مهو مش ممكن واحنا بنقول كلام ربنا نسمع الموبايلات كمان

تالت حاجه هو الخناقات يجي اربع خمس خناقات بين الستات الكمبار ونقعد نفضها ايه ياجماعه هو حد قالكم انتو جايين نادي انتم في مسجد وبتصلواااااااااااااااااا

ودي كانت سلبيات اليوم لكن الايجابيات هو بداية اول تراويح وحسيت معاها براحه وبكيت من غير ماحد يقولي بتبكي ليه

هناك 11 تعليقًا:

وردشان smilyrose يقول...

السلام عليكم

اول تحليق

بعد التراويح

وردشان smilyrose يقول...

كل سنة وانتى طيبة يا اجمل

كيارا فى الكون

يارب رمضان عليكى كريم

ويارب دايما بسعاده وخير

وحشتينى موووووووووووووت

وردشان smilyrose يقول...

والثالثة عشان محدش جه لسه

وبعدين كيارا وحشانى مووووووووووووت

بجد وبحبها زى القطايف وقمر الدين

وكمان الكنافة والايس كريم

فاكرة وحشنى معاكى بس بعد العيد

هههههههههههه

وردشان smilyrose يقول...

كوكى
مش تزعلى يا حبيبة قلبى

كتير من السلبيات دى بنقابلها

وبعدين مش هنقدر نعمل اكتر من اللى

تسمح بيه الاصول لان زى ما قولتى دى

ناس كبيره فى السن وبعدين موضوع

الموبايلات ممكن شيخ الجامع ينبه عليها

المهم انه اول يوم فى صلاة التراويح

وبداية الشهر الكريم ويارب علينا

كلنا يمر بخير وسعاده

بحبك موووووووووووووووووت

عاشقة القمر يقول...

كل عام انتي بخير
بجد مشكله ناس مش عارفه تعامل زي مفروض احد قبل شي يعمل موبايل صامت عشان احنا للازم نكون في حالت خشوع
ربنا يهدي جميع ربنا يتقبل مننا ومنكم

غير معرف يقول...

كل سنة وانتي طيبة

تقبل اللة


شحططينا بئا في المدونات كل مرة تنزلي بوست اعملي لينك في مدونتك الاصلية علشان نتابع

adel يقول...

كل سنة و انتي طيبة
وتعيشي و تصلي :):)

وبتعيطي ليه ؟؟؟ :):)

د. ياسر عمر عبد الفتاح يقول...

رمضان مبارك
وربنا يتقبل من الجميع صالح الأعمال

أنا اسمع برضه عن حاجات غريبة بتحصل في مصلي السيدات
ولما كنت باخد أختي معايا كانت بتقعد تصوت منهم
لدرجة إنها خلاص معدتش تروح تاني

شوكولاتة يقول...

هوه مافيش عيل نط على دماغك وأنتي بتصلي كده
هههههههه
النهاردة وانا بصلي واحدة كان عندها كحة وواقفة جنبي لما خنقتني وبتكح على وشي كده من غير ماتستخدم منديل ولا حاجة عادي كده المفروض الناس تاخد بالها من الحاجات البسيطة دي لأنها ببساطة ممكن تقضي على كل اللي في المسجد

Butterfly يقول...

ربنا يتقبل منكى ومنا ان شاء الله
وربنا يهدى الناس
دى برده من الحاجات اللى بتدايقنى اوى !

M. Selim يقول...

كل سنة وانتي طيبة وبالف خير ياكيارا
وربنا يتقبل منك صالح الاعمال ياااارب
على فكرة مصلى السيدات ده مشكلته في كل الجوامع
في مرة في الخطبة اللي في النص الامام قال يعمل حاجة ظريفة اوي
كل واحد يسلم على اللي جنبه ويتعرف عليه ويتكلم معاه في الفترة دي بس طبعا بهدوء ومن غير دوشة
من باب التكافل الاجتماعي يعني
طبعا ربنا مايوريكي الصوت اللي طلع ساعتها من مصلى السيدات
كانهم ماصدقوا الامام قال الفكرة دي
قالهم خلاص خلاص انا اسف هنقول خطبة هدوووووووووووووووووء :))

ربنا يتقبل منا ومنكم صالح الاعمال ويجعلنا جميعا من عتقاءه من النار ويجمعنا في دار الجنان
رمضان كريم