صبااااااااااح الخير بليل
امبارح نمت عند ماما بقي وكنت متغطيه بخمس بطاطين وترينجين وجوانتي وكوفيه وروب صوف واربع شرابات طبعا
المشكله ان ماما هربت مني عاااااااااااااااااااااا من سقعيتي وكنت ببردها وكانت بتقولي
هو انتي عارفه تتنفثي من كم الغطا ده يوزنوا 30 كيلوا
نمت بقي وصحيت علي 9 وماما جابت البليله السخنه وفضلت انا وهي نرغي يجي ساعه كدا
ام هند بقولها هو محمد قاعد علي الجهاز قالتلي لا ده باظ وبيصلحه قلتلها منا نايمه كان كويس
طلع قلبه وبينضف فيه رحت جبت انا قطنه وقعدت انضف الكيبورد
واستنيت صلاه الجمعه ونزل يجبله حاجه
المهم بعدها جت مسرحيه كدا اوكيه ومن كتر الضحك حسه ان العمارات
كانت سامعه ضحكتي هههههههههههههههههههه
وافتكرت ميرو لما سمعت ضحكتي قالت عليها كلااااااااااااام وورده برده
امووووووووت واعرف ضحكتي مالها
بعدها ماما جت من السوق وجهزنا الغدا واتغدينا بعدها لقيت محمد
بيقولي درجه حراره الجهاز 52 ولو زادت ل 60 هيرستر بلاش الصفحات الكتير اللي بتفتحيها
هو نزل لتحفيظ القران وانا بقي فتحت الجهاز وكتبت في الميل موضوع درجه الحراره
وكلمت اصحابي بس اللي كنت زعلانه منه ان سندس ضافتني وكانت اول مره
نتكلم ومش كنت عارفه اكلمها عشان خايفه من محمد لا يلاقي الحراره زادات
ويضطر يعمل كمدات للجهاز ههههههههههههههههههههههههههههههههههههههههههههههه
نزلت بوست عناديه
و قمت علي المغرب كدا رحت لتيتا لعبت حبه فل مع العيال وبعد كدا نمت شويه وماما صحتني عشان تشربني الشاي
وعرفت ان خالتو كسبت القضيه ومعاد الاستئناف خلص
وبعدها فتحت الميل وكلمت صبحاتي وبدات ارد علي الكومنتات بس الريدر
مش عاوز يفتح خالص عشان اشوف البوستات اللي نزلت
بس وانا بكلم صبحتي منة جت الثكر بس كانت زحلانه لاعبتها شويه
ونزلت وماماما قالت انتي لو فضلتي مع كيتي هتبقي ارجوااز
واخويا نزل شغله واديني قاعده ثويه يمكن اعرف ارد علي اي بوست قبل اما انام
وسلاموز بقي :)
يوم الجمعه
2.1.2009
هناك 7 تعليقات:
السلام عليكم ورحمة الله وبركاته
هههههههههههههههه ناق تقولي كلمتي ثبحتك مين وقلتوا ايه يابت اهمدي بقى هتفضحينا ونتنث عين ههههههه
وبحدين ضحكتك حلوة بث فضيحه زيي شارون لو سمعها كان فاق من غيبوبته ههههههههه وبوش كان رحم العرب وغير جنسيته وقالك اموت انا ياصفايح الزبده الثايحه هههههههههههه
يخرب بيت كده
وحثتيني يابت بقالي يكي دقيقة موث كلمتك
امواااااه
في رعاية الله
وبعدين يا بت يا ميرو
مش هعرف اكون اول تعليق
ييييييييييييييييييييه
انا اللى حرارتى عليت
مش الجهاز
هههههههههههههههههه
وبعدين يا حبيبتى انتى ضحكت تحفة
ولا نسيتى المترو
هههههههههههههه
بحبك
smilyrose
روح الحب الصادق
صباح الفل يا جميل
يا بنتى انا لحد النهاردة بالبس تى شيرتات
ايه بقى موضوع البرد ده
المهم
بلاش تتلككى بالريدر كتير
لعبة مكشوفة
سلام
هو الاسطى محمد بيقولك ان درجة حرارة الجهاز بتزيد لما بتفتحي صفحات كتيرة طب نصيحة بقى تشوفي سباك تاني غيره لانه بيشتغلك
فتح الصفحات مالوش علاقة بحرارة الجهاز غالبا العيب في المروحة
أي خدمة يا هانم
تحياتي
انا بتفق مع ولد مصرى هههههههه
وبعدين سلاموز دى بتاعتى عيب بقى
لازم نستاذن قبل مناخد كلام الناس هههههه
ربنا يشفى جهازك يارب
تحياتى
العزيزه نيجار .. فعلا يوم الجمعه كان برد جدا والدنيا كلها كانت ملفوفه بالبطاطين ونايمه على السراير وانا كنت نايم وقدامى قناة البى بى سى وكنت باشوف المجازر والموتى فى قطاع غزه .. الله يكون فى عونهم .. كل برد وانت طيبه .. انا قاعد على الكمبيوتر وبردان موت والحاجه عماله تعمل زيارات بالموبايل والمشكله انا اللى بدفع ثمن الكروت .. انا مغموم عشان حتقولى هات اجيب كارت .. تحياتى
العزيزه كيارا .. تحياتى .. انا كتبت التعليق وغلطت وقلت يا نيجار .. ما علهش .. العتب على الزهايمر بقى وانت عارفه عمك فشكول عجوز ومن ايام فحت البحر الابيض المتوسط ويمكن قبل ما يفحتوه .. تحياتى يا كيارا
إرسال تعليق