الأربعاء، 31 ديسمبر 2008

يوم الاربعاء



اليوم زي كل يوم بصحي نفس النظام وبروح الشغل

وكنت لابسه طقم جينس عاااااااااادس جدا والحجاب عااااادي جدا

راح زميل ليا بيقولي انتي النهادرة مظبطه نفسك قولتله فين ده الطقم بسيط اوي مش فيه اي تفصيله

المهم اجي كدا يقوم يعاكس اجي كدا يعاكس

المهم وانا كنت بجيب الدفتر وماشيه بضهري لقيته بيعاكس وانا مطنشه خالص بلف ظهري كدا لقيت مييييييييين

محمد اخويا وباصصله حته بصه حرررقته ههههههههههههههه

وبعدها محمد قالي ياصفايح الزبده السايحه وهو مولع وانا ميته من الضحك

علي الموقف وبعدها محمد قالي انتي تيجي الاوضه دي ليه قولتله هجيب الدفتر يامحمد شغل يعني

قالي طيب لما تروحي رنيلي قلتله حاضر بعدها كملت الشغل لحد الساعه 2 ورحت مضيت ومروحه

لاقيت واحده بتبصلي اوي وانا ببصلها اوي

انا شفتها وكلمتها انا متاكدا

دي يااكانت معايا في ثانوي يا الكليه ياربي هي مين

وهي برده بتسال نفسها

مبقتش عارفه

اروح اكلمها ولا لا

المهم شاورتلها بطريق انك انتي عارفاني وانا عارفاكي المهم شاورت نفس الطريقه

رحتلها لاقتها دفعتي في الكلية واتكلمنا بقي وقالتلي اخبار شويه من الدفعه

واللي كمل دراسات عليا واللي اتجوز واللي سافر واللي اشتغل

حسيت ان في سنتين عدوا من حياتي ولا اكن لهم وجود رجعتني لايام المحاضرات والدكتوره امال

يااااااااااااااااااااااااااه ايام جميله


بعدها روحت وحضرت الغدا مع ماما واتغدينا

بعدها ماما بتقولي في هبد الحقي

قولتلها هبد ايه قالتلي حد بيهد حاجه

قولتلها دي موسيقي ياماما صباح الفل

قالتلي موسيقي والله

فييييين ايام زمان

بعدها كلمت مبرو عشان استاذنها في اني انزل الحوار في عالم مولان

الجهاز كان بيرستر برده نزلت البوست ورحت نمت

علي 7 ماما صحتني بس كانت مفهماني ان الساعه 8.30

صحيت قعدت انا وماما ننم شويه طبعا

ونتكلم عن اللي حصل في الشغل وعن محمد وبصته لزميلي

بعدها محمد جه وقعد علي الجهاز

وورده كلمتني وزعلانه عشان البوست بس

واقسم بالله اناا بحبك ياورده اووووووووووووووووووووووووووي

بعدها دخلت الميل كلمت الجوكر وحبيبه الروح وباربي وصول واستنيت ورده تفتح

وميرو كلمتني الساعه 12

واديني هقوم انام

تصبحوا علي خيييييييييييييييير

الاربعاء

31-12-2008

اخر بوست ان شاء الله في 2008


هناك 16 تعليقًا:

الازهرى يقول...

اول تعليق ولو مرة فى حياتى

الازهرى يقول...

احمدك يا رب
انا كده اموت وانا مطمن ان حققت كل امان فى الحياة

الازهرى يقول...

كل سنة وانتى طيبة

الازهرى يقول...

تصبحى على خير

حسن حنفى يقول...

كل سنه وانتي طيبه

حبيبة الروح يقول...

حبيبت قلبي ايه ده اسمي مكتوب في يومياتك
بجد دمها خفيف ولذيذه متابعه طبعا

فشكووول يقول...

شوفى بقى .. ارسى لك على حل .. يا كيارا .. يا مولان عشان احنا بس يعنى اصل عشان نعرف .. تحياتى
هو محمد اخوكى بيشتغل معاك والله باين عليه واد جدع وامير .. والواد بتاع الشغل .. طب يا كيارا ممكن يعنى يعنى يكون عايز .. يعنى قصده خير .. شوفى يا كيارا .. بنتى الدكتوره الهام تقعد هى وامها طول النهار بقهم فى ودان بعض وهاتك يا نم .. هم البنات كلهم كدا والا ايه .. تحياتى يا كيارى وعيشى حياتك وهيصى وربنا يخلى لك محمد ويخلى لك ماما .. كل سنه وانت طيبه

princess يقول...

نسيتى تقولى انك كلمتينى مرتين وانا طرشة تقريبا هههههه
كان فى حفلة فى المدرسة وسانتا كلوز وبتاع
وبعدين جيت اكلمك لقيتك قفلتى الموبايل مش اسلوب على فكرة
كل سنة وانتى طيبة:)

حزينه يقول...

يومك حلو
كان نفسى يكون عندى اخ اكبر منى

حزينه

Kiara يقول...

ازهري هههههههههههههههههههههه

يالهوي كل ده في قلبك

كل سنه وانت طيب

وتصبح علي خير

Kiara يقول...

حسن حنفي

وانت طييييييييييب

Kiara يقول...

حبيبه الروح

طبعاااااااااااا ممكتوب

وسعيده بمتابعتك

Kiara يقول...

fashkool

**********

اولا انا غيرت لكيارا عشان صبحاتي اللي حبوا اسم كيارا

محمد اخويا مش بيشتغل معايا

اما زميلي فده عينه فارغه وفاضله تكه وهشووط فيه

هههههههههههههههههههههههههههههههههههههههههه

الضحكه دي بالنسبه للنم اصل انا وماما مش ينفع مش نرغي

وربنا يخليك يارب

Kiara يقول...

برنسيس

مانا قولتلك بقفله ليه بنسي خااالص انه مقفول

ههههههههههههههه

Kiara يقول...

حزينه

الاحلي وجودك

انا كمان كان نفسي يبقي ليا اخ اكبر مني

محمد اخويا الصغير

moory-mero يقول...

السلام عليكم و رحمة الله و بركاته

يادي الفضيحه ام جلاجل يادي الجرثه ام حناجل هههههه

اثمي جه ع النت يا مامتي وفين عند كيتي الحقووووني

ايه يابت الفضايح دي بث

كان ناقث تقولي اننا قلنا هابي نيو يير في الموب على 12 بالظبط و ااييييييه بلاث بقى نكمل هههههههه

يخرب عقلك يا مجنونه وحثتنيني الثاعات الثوغننه دي والله وبكد بكد يارب 2009 وكل سنه تبقى محايا دايما يا أطيب وارق واطعم قطقوطة ثوفتها

وبحب انا الرجاله الحمثه دي بتفكريني بمحمد اخويا ههههه آه صحيح ماانتي عالفه اننا توام في كل حاكه

وبعدين بلاث تثوطي في الاخ لو زودها ابعتهولي وانا بحته اربجيه اخليلك كرات الدم البيضاء وكرات الدم الحمراء يلعبوا ماتش اهلي وزمالك ههههههههه

ربنا يخليكي ليا يارب
وهابي نيو يير يا قمرتي
في رعاية الله حبيبتي