الأحد، 22 أغسطس 2010

شوية فضفضه

 

187

حاولت كتير اني اكبر بس كل محاولاتي كانت نتيجتها الفشل الذريع

 

مش عارفه ليه بفشل في الموضوع دا

كل محاولاتي كان نتيجتها اني اتجرحت واتقسي عليا وشلت الحمول وبان دا عليا

 

من سنتين فاتو كنت لما بودي بنت خالتي المدرسة كانت الدادا بتفتكرني طالبة في خامسة ابتدائي وبتصمم دا واحلف وهي ابدااااااااااااااا مصممه لحد اما اطلع البطاقة وتعتذر بعد كدا    

حتي المعاكسة كنت بتعاكس من طلبة الاعدادي والثانوي مش من الكبار

دلوقت لما ببص لنفسي واللي فات لقتني تعبت من كتر المحاولات

فقررت اني ابطل احاول واعيش زي مابرتاح

 

اللي جوايا لازم اصر عليه وهضرب كلام الناس اللي عمره ما هيودي ولا هيجيب بعرض الحائط

 

اه ماهو استحاله حد يكون مر بنفس اللي انت مريت بيه

مهما تشابهت الاحداث بس بردو الاختلاف هيكون قائم

 

يبقي انت عملت دا او عملت دا مش في حد هيسيبك في حالك

 

ومش هترتاح

 

يبقي اعمل اللي يريحك لكن في الغالب اللي بيتعبك هو اللي بيريح الناس وفي الاخر كل واحد اخر الليل بيروح ينام ومش مهم اللي بيتحرق لانه مش مرتاح

 

لما بيتحط قدامي صورتين صورة انيمي وصورة شخصية حقيقية

 

بلهس ورا الانيمي والبيبي وببقي مستمتعه  اوي لما بسمع اغاني الاطفال

 

بحب اتفرج علي الكارتون ومش بحب الافلام اللي هي بتاعت الكبار

 

كل دا افتكرته حنين الي الطفولة

لكن لما كنت بشوف الكتالوجات  انا وزمايلي من كام يوم

 

قاعده بتفرج واقلب فيهم لقتني بقول لزميلي

 

ايه دا دا كل اوض النوم دي كلها للكبار  مش في حاجه حلوه

انا عاوزه لما اتجوز اوضتي مش تبقي كدا

 

يقولي ازاي دي احدث الصيحات وعمال يرغي

 

ويقنع فيا وانا كلا البتا

 

قالي طب شوفي الكتالوج دا

 

لقتني عماله اقوله

 

ايووووووووه دول تحفة وطلعت كام اوضة قلتله لما اتجوز باذن الله ابقي اعملي حاجه من دول

 

قالي

 

ناااااااااااااااااااااااعم

 

دول اوض اطفال

 

 

وانا مالي هو دا اللي انا عاوزه اعيش فيه

 

اكتشفت اني مش بحب الحاجات المعقده

 

ليه الحاجه مش تكون معبرة وبسيطة

129

هرجع اجري مع بنات خلاتي تاني في الجناين

 

مش هيهمني واحده تمصمص شفايفها  ومش هيهمني حد

 

لاني ببساطه انا مش هميت حد

 

هرجع اعمل كل حاجه بحبها

 

عشان بجد كفايه عندي ضحكتي اللي بتطلع من القلب

 

340692563881610776

هناك 21 تعليقًا:

موجة يقول...

ياااااااااااه
وما احلى عيشة الحرية
يابنتى عيشى الحيه كما تريدين
مش كما يريد الناس
اللى بيجى يمسح دموعك يبقى يحاول يغير من ميولك
محدش بيفكر فى حد
عيشى طفلة
عيشى شابة
المهم تعيشى مرتاااااااااااحة
اتمنالك الخير

موجة يقول...

ايه ده ده
هو انا كنت اووول
اووول
اوووول تعليق
لولوولولولولولىىىىىىىى
ههههههههههع
كفاية تصفيق بقى كفاية ياجماعة
ميرسىىىى

Kiara يقول...

صح اوي ياموجتي

Kiara يقول...

هههههههههههههههههههههههههه

اه كنتي اول تعليق


لولولولولولولوووولي

موجة يقول...

بت تعرفى انى حاسة انى بقالى كتير مشفتكيش
هو احساس ولا حقيقة

Kiara يقول...

حقيقه للاقث

adel يقول...

:):):)
ابون كده صح الصح :]:]:]

الشاعر الفنان أحمد فتحى فؤاد يقول...

أنا لو منك أعيش حياتى بشكلها .. مادمت مش بعمل حاجة غلط ... و أحمد ربنا ليل و نهار على نعمة الطفولة و الحرية و الإنظلاق

كنا بنقول ألا ليت الشباب يعود يوما .. دلوقتى ألا ليت الطفولة تعود ساعة

ربنا يسعدك و يمتعك

دمتى بخير

Kiara يقول...

عادل

*****

:))

ميه ميه ؛)

Kiara يقول...

استاذ احمد

*******

منا قلت كدا بردو

ربنا يكرمك يارب ويسعدك:)

عبدالله يقول...

فضفضه رااااااائعة

والأجمل منها البوح بالطفولة

لأن الكثير منا لايعترف بالطفل الصغير الذي بداخله


ودمتي بخير

Butterfly يقول...

فعلا انا من اكتر الحاجات اللى مدايقانى اليومين دول
كل شويه الناس كلامها كتير ومش بترحم وووو
لحد ما اتخنقت
مالنا احنا ومال كلام الناس
المهم ان احنا نبقى مبسوطين ومرتاحين البال

elsha3er يقول...

السلام عليكم

أعتقد انك عندك حق الانسان لازم يكون ننفسه لان تكلف الانسان فى رسم دور غير اللى هو حبه شئ مش مريح فعلا لكن مع الاسف لازم نعمل أعتبار للناس بشكل نسبى ضئيل لا يتعارض مع شخصية الفرد

معادلة صعبة

elsha3er يقول...

بس ساعات الواحد يكون مع حد عارف انه بيحب يشوفه بصورة معينة فا يبقى من جواة هو ومع الناس على الصورة اللى بيحبوا يشفوها علية دة يبقى نفاق

ويكا يقول...
أزال المؤلف هذا التعليق.
ويكا يقول...

هههههههههههه

بجد يا بختك

عارفه يا كيارا ، فيه بقى العكس ، وما تبقيش عارفه تعيشى مع اللى فى سنك ، وتعيشى كانك اكبر.

ده متعب جدا ، وقدام خطر اوى.

لانى هيجى يوم وهيبقى سنى اكبر سن ساعتها هعيش مع مين؟؟؟؟

Kiara يقول...

استاذ عبدالله

*********

سعيده ان فضفضتى عجبتك

والطفولة شئ جميل ليه بيتكثفو من البوح عنه ؟؟؟

Kiara يقول...

Butterfly

------------

وحشتينى جداااااااااا

بالضبط اصل مش في حد بئا يحس بحد فاكرة حكاية جحا وابنه والحمار

هو دا كلام الناس بالظبط

Kiara يقول...

الشاعر

******

صدقني مهما هتعمل مش هترضيهم وهتتعب نفسك

خليك في الصورة بتاعتك وهما يحبوك في الصورة دي يااما يبقي بعدهم افضل

Kiara يقول...

ويكاااااااا

يالهووووووووووووي علي القر

ايه الناس اللي شغاله قرقر دي عااااا

بصراحه حاجه رخمه اوي انك تكون في الحاله دي

نصيحه خليك بطبيعتك

باحث عن حب يقول...

السلام عليكم
معلش
دخلت
وقرأت كل المواضيع هنا
احلى موضوع الموضوع ده
بجد
ملهوش وصف
ربنا يحافظ
عليكى