السبت، 27 ديسمبر 2008

يوم السبت ومقابله سميلي روز

يوم السبت

انا نمت متاخر امبارحعلي 2 كدا

مش عرفت انام بدري كان بالي مشغول كالعاده

وعلي الفجر كدا سمعت صوت بيقول روح صحيها عشان تصلي

والغريب بقي اني اول اما سمعت الصوت ده قمت علطول ولا حسيت ان عنيا عاوزه تنام

ولا اي حاجه


فقمت صحيت ورايحه اقول لماما انا قمت من غير ماحد يصحيني افاجئ انها نايمه

ابص علي محمد الاقيه نايم

الله امال مين اللي قال صحيها

بعدها بعشر دقايق لقيت المنبه يتاعي بيرن

قفلته وروحت اصحي ماما

لقتها قالت فيه ايه فيه ايه واتخضت

ياماما حرام هو كل اما حد يصحيكي تتخضي كدا وتخضيني معاكي عااااااااا


رحت صليت وقريت قران

بعدها لبست ونزلت بسرعه لاني كنت متاخره

بس كنت حاسه اني بعرج

اما نزلت بقي من السلم قلت اشوف الكعب وانا لسه قدام البيت لحسن يكون فيه حاجه

اقوم افاجي اني لبست فرده كحلي وفرده روز هههههههههههه

يامحمددددددددددددددددد وانادي ان حد يسمع ابداااااااااا طبعا قافلين الشبابيك

رحت اتصلت بماما وقلتلها تنزل فرده من الاتنين

نزلت الروز وادتها الكحلي


وانا ماشيه لقيت الموبايل بيقول "انا انا قطه قطه مغمضه انا قطه مغمضه

ياناا يانانا يااااااااااه اه يابسبس اه ياحلوه يامقطقطه"


مين اللي انا عامله له الرنه دي كانت نهال بنت خالتي


هي البت اخدت الموبايل معاها المدرسه ولا مراحتش شكلي هبهدلها

كنسلت عليها واتصلت انا

ايوه يانهال انتي مرحتيش المدرسه قالت انهارده اجازه

مالك يابت صوتك في ايه كان شكلها بيعيط اوي

وراحت تقول تعالي دلوقتي انا مخنوقه ومش طايقه البيت ومش طايقه اللي اسمها ماما

لو مش جيتي هنتحر واخلص من الدنيا دي

انتي يابت فيه ايه لكل ده وكمان اجي ازاي انا في الطريق للشغل

ايه اللي حصل

ومالك قالبه علي مامتك ليه

تقولي يرضيكي بابا يتصل ومش يقولولي

ومصطفي يبعتلي رساله ويمسحوها

طيب اهدي يانهال وانا هاجي بعد الشغل واتكلم معاهم ماشي

قفلت واتصلت بخالتو

راحت قالتلي جدتك اللي ردت علي باباها ونسيت خالص تقول لنهال

والرساله والله ماحد مسحها

انا همسح رساله ابني يعني

قولتلها طيب براحه عليها وانا هاجي اقعد معاها



ورحت الشغل وكان عندي شغل اد كداااااااااااا عنيا هتررررررروووووووح

فضلت اشتغل بقي لحد الساعه 1

رحت كلمت سميلي عشان اشوف هي جايه ولا لا

قالتلي انها في الطريق

ولقيت ا/ محمد بيقولي ايه انتي هتقعدي ساعه كمان عشان الشغل لازم يخلص

قولتله صحبتي جايه مش ينفع

قالي اعزميها علي حاجه المهم لازم الشغل يخلص

قولت لما تيجي هقعدها معايا واحاول اخلص بسرعه

المهم جت 2 والملف بتاع الدونر مش جهز فاخدت الشنطه وروحت

قابلتها ياااااااااااااااااه كنت مشتاقه اشوفها اوي بس لقيت عنيها حزينه ااااه ياقلبي وجعتيني

اخدنا تاكسي ورحنا علي مول طلعت حرب

المكان المفضل عندي

طلبناا ايس كريم في الشتااااااااااا

وقعدنا رغينااااااااااااااااااااااا

وبعدها قمنا واحنا خارجين طلعت المثااااااااااااااااااااااثه

ورحنا شوفنا المحلات اهو نشوف الموديلات ايه

ورحنا بعدها للعبد جبنا ايس كريم تاني

وبقي في ايدي مثاثه وايس كريم عااااااااا اكل انهو

خلصت الايس كريم وبعدها المثاثه

وفضلنا نتمشي وكنا طايرين مش حسينا باي تعب رغم اننا مشينا كتيييييييييييييييييير

وشغلتلها انت خلتني اعبس الحب وياك الف حب

كل نظره اليك بحبك بحبك

بحبك من جديد

وافضل احبك من جديد

انا حبيت في عنيك الدنيا كل الدنيا

حتي عوازلي او حسادي كل الناس حلوين في عنيا حلوين

وشغلنا اغنيه الحكايه لوائل جسار واد ايه كانت اغنيه رائعه مع لمعه الميه بتاعت النيل

اه نسيت واحنا ماشين واحد ادنا ورقه انا مش باخد بس هي اخدت المهم

قالها خربشي وليكي هديه


خربشنا طلع جها ز كهربي

المهم دخلنا سيبت البت ترغي عاوزه اجيب اخرها

لحد اما قالت ادفعي 20 جنيه عشان تاخدي الهديه والمبلغ هيتردلك وقت الاستلام

قلتلها اه منا عارفه بس بابا مسافر

قالتلي هيجي امتي قلتلها لا ده قدامه مده

خرجت منها بالعافيه وانا همووووووووووت من الضحك اصلي فهماهم

المهم واحنا ماشين علي النيل

لقيت رنه

ماما ماما لسه ياماما تعذبيني لمحمد فوزي

الو ماما قالت كل ده اركبي المترو يلا

وانا في المترو سميلي بعتتلي رساله بتقول فيها ايه

في 1968 حليم قال اهواك

في 1975 شاديه قالت ريداك

في 1988 فايزه قالت روحي فداك

في 1999 دياب قال تملي معاك

لكن في 2008 قلبي قال

شكرا يااجمل ملااك

بعدها وشي بقي جب الواااااااااااااان والناس افتكرت ان المسج من ولد

وروحت وجايه فرحااااااانه بس للاسف اول اما ماما فتحت الباب

لاقتها ادتني الخبر التمام اسرائيل بتضرب في غزه

ايه بتضرب طب استني اما افتح الجهاز عشان افهم بصراحه كان عندي صداع

فقمت نمت ساعه


وبعدها صحيت لقيت الريدر فيه 106 بوست وانا عندي 6 بوستات مش رديت علي حد

ولسه هعرف اخبار غزه الان

يوم مليان

السبت

27/12/2008

هناك 20 تعليقًا:

مهندس مصري بيحب مصر يقول...

بصي على آخر بوست عندي و انتي تعرفي التفاصيل

Soul.o0o.Whisper يقول...

ربنا معاكى


و أنا عندى شغل كتير فوق دماغى ،
و حالتى النفسية لا تسمح ...

و الله المستعان ،
ربنا ييسر لنا جميعا...




خالص تحياتى

zainab يقول...

حبيبتى مولان

ربنا يعينك على انت فيه

تحياتى

zainab يقول...

مولان
معلش ممكن أطلب منك طلب أنا عارفه انك مشغوله بس لو لقيتى وقت فاضى ابعتى لى الرنتين اللى انتى قلتى عليها فى البوست
تحياتى يا قمر

maxbeta3zaman يقول...

والله يا مولان التى هى كيارا إن اليوميات دى تشعر قارئها بالألفة.. هى حكايات الصديق للصديق وهى مع كونها شخصية لا تخلو من الطرفة والبسمة كذلك هى حلقات التاريخ المركزة ... وبعدين ايه الهاموش واللا النمل الأبيض اللى بيشغى فى البلوج ده اجيب لك الراجل اللى رش لى البيت يديهولك رشة يموتهلك والا عاوزاه ...بالمناسبة قولى للى بعت رنات الغرام بقى ..اللى قال رايداك موش شادية!! ...دى ليلى مراد ..أحنا حضرنا الأفلام دى فى السيما أول ما نزلت ... وكان بالأمارة اسمها" يا مسافر وناسى هواك
ريداك والنبى رايداك "

*^*AL.7aAzZeEnN*^* يقول...

السلام عليكم

موضوع جميل كعادتك

موضوع جميل اوووي و الأيستايل رائع

دمتي بكل خير و سعاده

تحياتي

القلب المنكسر

happy new year

وردشان smilyrose يقول...

ايوة يا قطتى وحشتينى قوى

يابختك انتى نمتى انا مش قدرت انام بسبب الموضوع

اللى انتى عرفاه وحاولت انام بس معرفتش

كدا تالت يوم على التوالى صحيان

المهم الساعة 4 صباحا لبست ومشيت عشان اسافر

واروح شغلى بس عارفة كل اللى شافنى

علق على حالة الاجهاد والحزن اللى بقوا مخيمين على

شكلى بقيت مش عارفة اعمل ايه

المهم نفسى اكلمك كتير

وحشتينى قوى

وردشان smilyrose يقول...

كل سنة وانتى طيبة يا قمرى

عام هجرى سعيد

وسنة جديدة علينا

حزينه يقول...

يومك حلو اوى يا بختك
افتحى قناه الجزيرة وانتى تعرفى اخبار غزة الجريح

حزينه

moory-mero يقول...

السلام عليكم و رحمة الله و بركاته
انا كيييييييييييت

قطتي حبيبتي وحثتي خالث مالث بالث
وبوثااااااااات كتثله عثان روح قلبي

يومك حلو اووووي وضحكني يا ثكر وبرده بتحسسيني اني بقرا يومياتي
الشوز الغلط حصلت محايا مرتين في الجامحه ههههههه كان الشراب و البودي ههههههههه وكانت فضيحه موث اخدت بالي الا لما وصلت هههههههههه

ودايما باكل ايس كريم كتيييير وانا في الشتا هي اللوز بايظة من قليل .. اهيء اهيء

وياثلام بقى على الثحوبية والحب ده كتكوتي انا ابتديت اغير ههههههههه

وبحدين تده تاكلي مثاثه من غيري طويب يا كيتي انا زحلانه خالث منك ها بقى ها ها

اه نسيت اقولك كمان موقف الورقه و العشرين جنيه كنت هموت م الضحك وحصلت محايا قبل كده لا مصر بتبدع في النصب ههههههههه

عثثثثثثثثثثل يابت عثثل بث برده موث هتنازل عن المثاثه

في رعاية الله

Kiara يقول...

مهندس مصري


********

فعلا قريت وعرفت كتير

الله ينور عليك

وربنا معاهم يارب

Kiara يقول...

Soul.o0o.Whisper

*********

ربنا معاكي ياصحبتي

وتخرجي من المود ده

Kiara يقول...

zainab


********

ويعينك ياحبيبتي بجد

Kiara يقول...

zainab

***********
حاضر ياقمر انا حاولت ابعتهم بس مش عرفت هحاول تاني النهارده

Kiara يقول...

maxbeta3zaman

***********


هههههههههههههههههههههههههههههههههههههههههههههههههههههههههههههه

موتني من الضحك يابابتي علي كلمه الهاموش

رايداك مش شاديه طيب بت ياسميلي

مش طلعت شااااااااااااااااااااديه

ركزي وانتي بتبعتي :))))))))))

Kiara يقول...

** القــــلـــب المنـــكـــســر**

***********

وعليكم السلام ورحمه الله وبركاته

الاجمل ردك
نورتني

تحياتي

Kiara يقول...

smilyrose

**************

لالالالالالالالالالالالالالالالالا

كدا مش ينفع

بالله عليكي بلاش تكوني في الحزن ده

وجعك واجعني اوي ياصحبتي



وانتي كمان وحشتيني قوووووووي

Kiara يقول...

smilyrose

***********
وانتي طيبه ياقمر

عام هجري سعيد

Kiara يقول...

حزينه

********

الاجمل مرورك

وللاسف عرفت الاخبار

Kiara يقول...

mero-moory


**************

وعليكم السلام ورحمه الله وبركاته

نورتي قلبيييييييييييي والبييييييييت

وانتي كمان وحثتييييييييييييني خالث مالث بالث

ايوه كدا انتي قلي هتغلقيني بوث


انا مبثوووووووووووووووووطه اننا ثبه بعض

وليكي عندي احلي مثاااااااااااااثه

والعثل هو انتي

مث تكثفيني بقي

انا هنزل بقي الوح لبنات خلاتي الحب ثويه