الثلاثاء، 27 يوليو 2010

عمر وسلمى

 

 

 

 

240448_11225565486

مش بطيق شخصيات الفيلم لكن في جملة بجد صعبة اوي وواقعية اوي

^^^^^^^

اصعب حاجه في الدنيا لما تحب انسان وتتعلق بيه

وتلاقي نفسك فجاه مش من حقك حتي تسلم عليه

السبت، 29 مايو 2010

ساعات

6a6e29cc2006955524a32cba07aabcb7_lm

ساعات بحس ان جوايا طوفان مشاعر لو سيبته ممكن يغرق العالم كله

وساعات بحس ان جوايا حزن شديد ومش ببقي قادرة اتنفس وبحس ان الناس معقدة الدنيا

رغم انها ابسط من اي بساطة

ساعات بنسي واتعامل علي اساس انى ناسية ولما افتكر اقول ازاي انا اتعاملت كدا ونسيت

مش عارفة الاحساس اللي جوايا دا هيفضل لحد امتى بس نفسي ارتاح بجد

المشوار طويل وعارفه انه طويل اوي ويمكن يكون مش طويل وخوفي هو اللي محسسنى انه طويل

ربنا يكتبلي الخير ويكتب الخير لكل الناس اللي اعرفها واللي مش اعرفها

الجمعة، 28 مايو 2010

حبيبي نائما

 

 

 

 

الفيلم رغم انه كوميدي الا انه فيه شوية كلام في الجون

 

اول اغنية : حظاظا

ماخودش غير اللي اختارته ياناس

كدا صح وغير كدا موش صح

ماخودش غير اللي عشقته ياناس

كدا صح وغير كدا موش صح

دا هو عندى كدا  بكل الناس

هو حبيبي هو الصح

ومالى عيني عيني ياعين

 

ولما قعدو علي البحر لما رجعو لبعض خالد ابو النجا قال :

 

اللي بيحب حد بجد بيحبه زي ماهو وبيشوفه احلي واحد في الدنيا حتي لو كل الناس شايفه غير كدا

 

اغنية  الفرح

طالعة من بيت أبوها داخلة بيت الجيران

غازلة من الشمس الطرحة جايبة من القمر فستان

حبيتك انا يلا نفرح

بص في عيونى يلا واسرح

دا عيون جريئة ومش بتدبح

و تخلى قلبك يا ابنى وحوح

يااللي شغلت القلب في لحظه خد بس اما اقولك

اول اما شفتك قلبي مال لك

الحب بجد حلو بس محتاج قلوب تحميه وتخاف عليه

الاثنين، 3 مايو 2010

تغير وضع

281faf188f

من اول مايو وفي قلق في الشغل بسبب ان المدير ماشي وهيجي حد مكانه

وطبعا انا مضايقة جدا من ان المدير ماشي ونفسيتي بايظة اخر حاجه

ولما بنتكلم انا وزمايلي استغربت جدا من كلامهم

وهما بيقولوا ايه المشكلة واحد ماشي واحد تاني جاي ودا حال الدنيا

واكن مش ضحكو مع المدير القديم او في عشرة حلوه

انا مش متخيله اشتغل مع غيره وبتكلم في حاجه نفسية

وهما طبعا عادى بالنسبة ليهم

ولما قلتلهم ازاي اللي بتقولوه دا قالولي هو دا حال الدنيا ما قبليه جه كتير وبعده هيجي اكتر احنا بنشتغل في المكان مش عند حد وهو له كل احترام وتقدير

مش اعرف ليه حاسه بحزن داخلي كدا بسبب الموضوع دا وعاوزه اقوله مش تمشي وتسيبنا :(((

بجد هو حد محرتم اوي وبعتبره زي بابا بالضبط

ياتري هل هتاقلم علي الوضع دا ولا هيكون في تغييييير

ربنا يسترررر

السبت، 1 مايو 2010

عن شهر مضى



من اواخر شهر مارس لحد من كام يوم فاتو كنت بالفعل بمووووووووت في الدقيقه ميت مرة 

كنت مقهورة اوي من جوايا لدرجه اني فكرت جديا ابعد عن كل الناس 

جوايا محطم اوي ومكسور اوي لدرجة اني كان سهل اوي دموعي تنزل وانا ماشيه في الشارع او في الشغل او في مكاان الاقيها نازله من غير ااما اقدر اتمالك نفسي وكنت بتمنى ان حياتي تنتهي عشان ارتاح 

كان قرب ناس معينه بيهون عليا 
سبحان الله ربنا بيخفف عن الواحد حاجات كتير اوي يعنى قرب مني ناس هونت عليا اوي بس في حاجه بحسها اني لما ابقي مبسوطة ببقي عاوزه اكلم العالم كله واقول انا فرحانه اما لو زعلانه ببقي عاوزه عن كل الناس ومش في حد يشوف اني زعلانه اوقات كنت ببقي ساكته في البيت بس في عنيا كلام الدنيا وماما زعلانه عليا 



بس رغم كل اللي كنت فيه الا ان جوايا امل ان شاء الله ربنا هيحلها من عنده هيرحني كنت مؤمنه اوي بدا ومؤمنه انه الحزن هيعدى والخير ليا 

ودلوقت بجد انا بقول الحمد لله كمل الراحه اللي جوايا علي خير يارب 

عندى احساس ان كل الكلام اللي جوايا مش عاوزاه يطلع او يخلص او يبوظ باي حال من الاحوال 

يارب ارزق كل الشباب والبنات الزوجات والازواج الصالحه

اللي نفسه يخلف ارزقه بالزرية الصالحه 

يارب ارزق الناس العمل الصالح

يارب كل ام ارزقها الحج 

يارب حبب الناس في بعض

يارب انا بحبك اوي  اوي انت رحيم اوي

واحنا بجد محتاجينك اوووووووووووي 

يارب خليني معاك علطول وارزقني الفرحة اللي بتمناها 

اللهم اميييييييييييين

الثلاثاء، 2 مارس 2010

زهقت

0TX86805

 

من رمضان مش كتبت

بس انا نفسي افضفض ومش في غير المكان دا

 

افضفض والك فيه

 

 

انا زهققققققققققققققققققققققققققت بجد بمعني من الكلمة

 

من مشاوير الدكتور

 

كل شويه رايحه جايه وجاية رايحه

 

حاه تخنق

 

ومش باكل اللي نفسي فيه

باكل اكل مش بيعجبني

 

انا مش بحب اللحم والسسمك

مش بحب الخضروات والطبيخ

 

ومش بحب اللبن

 

ولا اي حاجه

 

حتي المية

 

كرهت طعمها

 

وبعد كل دا

 

الاقي هيموجلوبيني بيقل

 

طب ازااااااااااااااااااااااااي

 

ماهو يالدكتورر نصاب

 

يافي حاجه غلط

 

في يوم في كذ مكان

 

يطلع هيموجلوبيني

 

9- 13.7 – 12.4

 

اصدق انهو

 

بيغمي ليا ليه طيب

عملت سكر طلع 93

 

قالولي كويس

 

طب اعمل اييييييييييييييه

 

اروح فين

 

انا زهقت من الاكل ومن المية ومن الانيميا

 

ياربي امتى اخلص بئااااااااااااااااااا

الثلاثاء، 13 أكتوبر 2009

انا بيك

331sk4
أنا بيك عرفت روحي لقيتها فيك كل اللي جاي حعيشوا ليك
أنا بنسى روحي قصاد عنيك ما بقولش ليه
 
لو يوم تغيب علية ما بحسبوش كأني لسة ماعشتهوش
واليوم معاك ما بنسهوش لو حتى ايه

أنا بيك عرفت روحي لقيتها فيك كل اللي جاي حعيشوا ليك
أنا بنسى روحي قصاد عنيك ما بقولش ليه
 
لو يوم تغيب علية ما بحسبوش كأني لسة ماعشتهوش
واليوم معاك ما بنسهوش لو حتى ايه


طمني علية من نظرة عينك لوتفرح بفرح وده كل منايا

لو كل الدنيا جمبي وحولية ما بشوفش الدنيا غير وانت معايا
 
طمني علية من نظرة عينك لوتفرح بفرح وده كل منايا



لو كل الدنيا جمبي وحولية ما بشوفش الدنيا غير وانت معايا

أنا بيك عرفت روحي لقيتها فيك كل اللي جاي حعيشوا ليك
أنا بنسى روحي قصاد عنيك ما بقولش ليه

معقول تسأل بحبك قد ايه دنا لو حكيت عمري عليك
أحكيلك ايه ياحبيبي ايه ولا أحكي ايه
 
يآآآه على حبي ليك ياحبيبي  يآآآه حسيت معاك طعم الحياة

ولقيت معاك حلم اللي ياما حلمت بيه



معقول تسأل بحبك قد ايه دنا لو حكيت عمري عليك
أحكيلك ايه ياحبيبي ايه ولا أحكي ايه

يآآآه على حبي ليك ياحبيبي يآآآه حسيت معاك طعم الحياة
ولقيت معاك حلم اللي ياما حلمت بيه

طمني علية من نظرة عينك لوتفرح بفرح وده كل منايا

لو كل الدنيا جمبي وحولية ما بشوفش الدنيا غير وانت معايا

طمني علية من نظرة عينك لوتفرح بفرح وده كل منايا

لو كل الدنيا جمبي وحولية ما بشوفش الدنيا غير وانت معايا

أنا بيك عرفت روحي لقيتها فيك كل اللي جاي حعيشوا ليك
أنا بنسى روحي قصاد عنيك ما بقولش ليه
 
أنا بيك عرفت روحي لقيتها فيك كل اللي جاي حعيشوا ليك

أنا بنسى روحي قصاد عنيك ما بقولش ليه
 
لو يوم تغيب علية ما بحسبوش كأني لسة ماعشتهوش

واليوم معاك ما بنسهوش لو حتى ايه

******

هاني شاكر .. انا بيك